بيومي فؤاد: الزواج فكرة شريرة
تحدث الفنان بيومي فؤاد عن علاقته بزوجته، موضحا أنه تزوج في سن كبير، لأنه كان يخجل من الاعتراف بحبه لأي فتاة، حال إعجابه بها، فضلا عن شعوره الدائم بأنه “مستصغر نفسه على الزواج”، على حد تعبيره.
أضاف خلال حواره مع الإعلامي عمرو الليثي ببرنامج “واحد من الناس” على قناة الحياة، أنه كان يخجل من الاعتراف بحبه، قائلا: “كنت مستصغر نفسي على الجواز على طول، وكنت بتكسف أقول لأي بنت إني معجب بيها، عشان كده تزوجت على كبر وبرضو وقتها كنت مستصغر نفسي.. معرفش أروح أقول لواحدة أنا بحبك حتى لو معجب بيها.. وأنا أعجبت ببنات كتير وقت الجامعة”.
نرشح لك: رانيا فريد شوقي: مش أي راجل شرقي هيتقبل شغلنا
أوضح بيومي أن الزواج فكرة شريرة، لأن مسؤولياته كثيرة ومستمرة، قائلا: “مهما اتجوزت واحدة عاقلة وست الستات وتقدر ظروفك، برضو مسؤوليات الزواج متعبة، حتى لو أسرتك مش متضايقة أنت هتبقى متضايق لأن هتبقى حاسس إنك جاي عليهم، مثلا لو مبسوط في قعدة مع صحابي بحس إن كان مفروض أكون قاعد مع أسرتي.. عشان كده بنصح الشباب خلي الزواج آخر المطاف”.
وبسؤاله عن الأشياء التي يفعلها بدون علم زوجته، قال بيومي فؤاد: “بعمل حاجات من ورا مراتي أحيانا، يعني مثلا كانت مصرة إني مدخنش سجاير فكنت بقولها بطلت وأشرب من وراها برا البيت، وأكل لبان أو أشرب حاجة قبل ما أرجع عشان النَفَس.. معملتش كده أيام أبويا بقيت بعمل كده أيام مراتي.. هي زعلها وحش أوي والحمد لله ما جربتوش لحد دلوقتي”.
أما عن سر السعادة الزوجية، فقال: “هو إن اللى ينفع تطنشه طنشه.. عشان تبقى لطيف وعشان الحياة تستمر.. وكمان عشان لما تقوملك قومه يعرفوا إنه لسبب كبير”.
