"كل يوم شتيمة وضرب!".. فتاة تستغيث من عنف شقيقها بعد خروجه من السجن
كشفت فتاة تبلغ من العمر 22 عاما، من محافظة بورسعيد، عن تعرضها للتهديد والاعتداء المستمر داخل منزلها على يد شقيقها، الذي سبق اتهامه بإشعال النيران بالشقة عمدا أثناء وجودها بداخلها عام 2023 وقضى عقوبة 3 سنوات.
الفتاة المعتدى عليها من شقيقها
قالت الفتاة في منشور عبر حسابها الرسمي على موقع "فيس بوك": "بتعرض للتهديد من أخويا من 3 سنين، من سنة 2023 كان مدمن مخدرات وولع في الشقة وأنا فيها وكان متعمد، وأخد حكم 3 سنين وخرج شهر 5 السنة دي".
الفتاة المعتدى عليها من شقيقها
تهديدات يومية وتعاطي مخدرات
أضافت في استغاثتها: "عايش على نفس الوضع، كل يوم شتيمة وضرب وفضايح وشرب مخدرات وتهديد إنه هيعمل نفس اللي عمله تاني، أنا استحملت كتير جدا سنين كتير على نفس الوضع مفيش حاجة بتتغير".
فتاة بورسعيد
تابعت: "أنا بنت مش عارفة أقعد حتى في البيت وأنا مطمنة ولا حتى بعرف أنام من خوفي وقلقي، أنا نازلة من بيتي امبارح بالضرب منه وروحت عملت محضر فيه".
الفتاة تطالب بالحماية والتدخل
اختتمت استغاثتها مطالبة بالتدخل لحمايتها قائلة: "اللي بيكتب المحضر قالي إنه هييجي ويروح، طيب وإيه وجه الاستفادة، أنا مش عارفة أعيش، ده مش بني آدم طبيعي، أنا طالبة إنه يتجاب ويبعد عني، كل يوم نفس التهديد وإنه هيعمل زي ما عمل قبل كده وهو ولا بيهوش ولا بيقول أي كلام لأن ده حصل بالفعل قبل كده".