أرملة هاني شاكر تكشف تفاصيل الأيام الأخيرة في حياته

تحدثت نهلة توفيق، أرملة الفنان هاني شاكر، عن فترة مرضه واللحظات الأخيرة قبل وفاته، وكشفت حقيقة أسباب الوفاة، مؤكدة أنه لم يتعرض لغيبوبة، وإنما أصيب بأزمة مفاجئة في التنفس، نُقل على إثرها إلى العناية المركزة حتى رحيله.

هاني شاكر

قالت "توفيق" خلال مداخلة هاتفية مع الإعلامي عمرو الليثي في برنامج "واحد من الناس" المذاع عبر شاشة "الحياة": "هو مدخلش في غيبوبة، هو لآخر دقيقة كان صاحي وبيكلمنا، وحتى لما روحنا باريس كان فايق، بس حصلت أزمة فجأة في النفس فقط، وعلى أثرها دخل العناية المركزة".

دينا ابنة هاني شاكر

أوضحت: "أحفاده من بنته دينا كانوا إجازة، وباباهم جابهم باريس، وكانوا قاعدين معاه بيهزروا 48 ساعة.. وتاني يوم جاله أزمة النفس دي ودخل عناية مركزة تاني، ودي كانت آخر حاجة، وبليل فقد النفس، بس هو عمره.. والحمد لله إن ربنا مطولش عليه".

وفاة هاني شاكر

أكدت: "هو ما قالش حاجة، لأنه مكنش تعبان، أنا أصلًا كنت مسافرة باريس عشان يعمل نوع من العلاج الطبيعي بعد العملية، مش أكتر.. بس هو كان في كامل وعيه، ومجالوش غيبوبة بعد العملية ولا حاجة".

أرملة هاني شاكر تكشف تفاصيل الأيام الأخيرة في حياته

مهرجان الموسيقى العربية

في سياق متصل، قالت نهلة توفيق، أرملة هاني شاكر، إنها سعيدة للغاية بتكريمه في افتتاح الدورة الـ34 من مهرجان الموسيقى العربية، مضيفة: "كنت أول مرة أدخل الأوبرا من غير هاني، وكان دائمًا يكلمني عن رهبة المسرح.. وهو غنى على المسرح أكتر من 50 سنة.، ولحد آخر حفلة كان بيطلع قلقان ومخضوض، وبيقرأ قرآن".

تكريم هاني شاكر

اختتمت: "أحلى ساعات حياته كانت في الأوبرا، هو متخلفش عن أي دورة من الـ34 دورة، وأول ما طلعت الكلام رن في وداني، وكانت صعبة بصراحة، وفي نفس الوقت لازم ياخد حقه".