منى زكي توضح سبب غياب أحمد حلمي عن تكريمها بمهرجان الجونة
عبرت الفنانة منى زكي عن سعادتها الكبيرة بتكريمها في مهرجان الجونة السينمائي، مؤكدة امتنانها للدعم الكبير الذي تلقته على مواقع التواصل الاجتماعي، وكشفت في الوقت نفسه عن سبب غياب زوجها الفنان أحمد حلمي عن حضور حفل تكريمها.
قالت "زكي" في حوارها مع "Et بالعربي": "الحمد لله بشكر الناس جدا، وممتنة لكل الحاجات اللي شفتها على السوشيال ميديا.. هما اللي دايما بيساعدوني ويقوموني كل مرة.. ممتنة لهم ولكلامهم".
أضافت: "فيه كذا حاجة شفتها أثرت فيا.. فيديو مهرجان الجونة، رسالة بنتي، وتقديمة أستاذ محمد شاكر ليا كانت بتمس قلبي وقد إيه أنا انبسطت برأيه فيا، وأساتذتي والناس اللي بحبهم كانوا كلهم واقفين ليا.. ده كرم واحترام مبالغ فيه".
وعن غياب أحمد حلمي أوضحت: "ما كنتش عارفة إن موضوع غياب (حلمي) هيثير التفاعل بالشكل ده، وزمايلي كانوا بيوشوشوني براحة ويقولوا حلمي فين؟ كأني مخبية حاجة مثلا.. هو مسافر مع (لي لي) بنتنا بيعمل لها حاجة فما قدرش يكون موجود مش أكتر".
اختتمت حديثها برسالة لزوجها قائلة: "جوزي معطاء ودايما ساندني، وأنا لو قعدت أعد هو قد إيه ساندني على مدار السنين مش هقدر.. هو سندي وأبو ولادي وبيقدر الفن وعنده مواهب متعددة مش بس ممثل".