رانيا فريد شوقي: مش أي راجل شرقي هيتقبل شغلنا
تحدثت الفنانة رانيا فريد شوقي عن علاقتها بأولادها، ووالدها الفنان الكبير الراحل فريد شوقي، كما كشفت جديد أعمالها الفنية خلال الفترة المقبلة.
أوضحت رانيا خلال مداخلة هاتفية ببرنامج “زق عجلك” على إذاعة شعبي إف إم، من تقديم شيماء السباعي وتامر جابر، أنها لم تجرب ادخار الأموال من قبل، ووالدها كذلك، موضحة أنها تنفق ما لديها بدون حساب، قائلة: “عمري ما حوشت لا أنا ولا أبويا، فلوسنا دايما طايرة، وبناتي مش بيحوشوا وطالعين زيي.. أنا من الشخصيات اللي مبدأها (هين قرشك وما تهينش نفسك)”.
نرشح لك: متأذنيش بكلامك.. عمر كمال لمهاجميه: أنا بني آدم زيك بحس وبزعل
تابعت: “بابا الله يرحمه اتأثر بشخصية “عوض” في مسلسل “البخيل وأنا” وجرب فينا حاجات كتير وقت تصوير المسلسل، ودايما كان يقول لي أنا وإخواتي (أنا مش هسيب لكم فلوس، بس هسيب لكم شهادات تجيبوا منها فلوس)”.
وعن علاقتها بابنتها وموقفها من الفن، قالت: “بنتي ملك ميالة للفن زيي، بس قولت لها تخلص دراسة الأول ونتكلم، لأن الأجيال الجديدة عندها وجهات نظر أوروبية شوية إنها مش لازم تاخد شهادة، بنتي قالت لي انا عايزة آخد كورس تمثيل ومش لازم أدخل الجامعة.. دوري في حياة ولادي إني حيالله أمهم، والجيل الجديد بيعمل اللي هو عايزه”.
وعن دعم زوجها لها في الفن، قالت رانيا: “زوجي عامل لي دعم كبير في شغلي، لأن مهنتنا صعبة جدا وملهاش مواعيد، ومش أي راجل شرقي يتقبل طبيعة شغلانتنا، لازم يكون متفتح ومؤمن بكيان المرأة.. كمان برفض الظهور في البرامج اللي بتتدخل في الحياة الخاصة، والمذيعين اللي بيعصروا الفنانين ويقعدوهم على كرسي الاعتراف، لو إحنا كمان تدخلنا في خصوصياتهم وحياتهم الشخصية هنطلع منهم مشاكل كتير”.
أما فيما يتعلق بجديد أعمالها، أوضحت رانيا فريد شوقي أنها تصور حاليا الجزء الثال من مسلسل “أبو العروسة”، وتستكمل تصوير مسلسل “الحلم” أيضا، مضيفة: “مش شايفة إن فيه فرق بين مسلسلات رمضان والمسلسلات اللي بتتعرض خارج رمضان، وأهم حاجة من وجهة نظري اختيار الورق الجيد، وده اللي اتعلمته من بابا، إن راس الهرم هو السيناريو”.