سامي مغاوري: مش هقبل أي دور لمجرد إني أبقى موجود!
تحدث الفنان سامي مغاوري عن معايير النجومية الحقيقية، مؤكدًا أنها مرتبطة بقيمة الفنان السوقية وليس بالظهور فقط، مشددًا على رفضه الإحباط وقبوله أي دور لمجرد التواجد.
قال "مغاوري" خلال حواره في برنامج "الستات" المذاع على شاشة "النهار"، وتقدمه الإعلاميتان سهير جودة ومفيدة شيحة: "النجومية مهمة قوي، لأن النجم كا ما زادت قيمته، زاد تمنه، كل ما الإعلانات زادت عليه"
نرشح لك: كنت رافض إنها تغني تمامًا.. أحمد سعد يكشف كواليس ديو "كدا كدا" مع ابنته
أضاف: "آه سنة الحياة إن ناس تيجي وناس تروح بس ما نتجاهلهمش، ونقعد عشرات الناس في البيت ويجيلهم اكتئاب وإحباط، ده مش بس بقى مع الناس الكبيرة والأجيال القديمة، ده بقى في شباب كتير قوي قاعدين ما بيعملوش حاجة".
أوضح: "أنا ما بسمحش للإحباط يدخل جوايا، لأن أنا مستوعب الزمن وفكره، عشان أنا ابني فنان جديد ومتفهم إن ليه أفكاره وطموحاته، ومن حق هذا الجيل يشتغل ويبقى ليه فكره، ومش هقبل تحت أي ظرف أي دور لمجرد إني أبقى موجود".