آثار الحكيم: اعتزلت التمثيل نهائيًا من 15 سنة
تحدثت الفنانة آثار الحكيم عن قرارها باعتزال التمثيل نهائيًا منذ 15 عامًا، موضحة أنها اتخذت القرار وهي في قمة نجاحها الفني، وشعورها بالتشبع.
قالت "حكيم" خلال مداخلتها الهاتفية عبر برنامج "تفاصيل" المذاع على شاشة "صدى البلد"، وتقدمه الإعلامية نهال طايل،: "الحمد لله ربنا ثبتني واعتزلت التمثيل من 15 سنة، والناس بيبقوا على تواصل بيا، وبشوف رسايل جميلة على الفيس بوك بلا مناسبات وده من فضل ربي".
أضافت: "اعتزلت التمثيل تماما وأنا في قمة شغلي ونجاحي، لكن التفكير التقليدي اللي هو المشاكل والوسط الفني، مفيش حاجة اسمها كده أصلا".
أوضحت: "أنا بفضل الله تشبعت، ولازم هيجي وقت على الإنسان ويلحق نفسه.. أول فريضة ربنا فرضها علينا اقرأ قبل صلي، فكان لازم أعرف حق ربنا عليا".