هدية لأبطال مسلسل "أم كلثوم".. قصة أول زيارة حج للفنان أحمد راتب
تحدثت لمياء، ابنة الفنان الراحل أحمد راتب عن ذكريات أول زيارة حج لوالدها عام 1999، مشيرة إلى أنها كانت هدية من إحدى شركات السياحة لأبطال مسلسل "أم كلثوم"، وحينها قرر اصطحاب والدتها على نفقته الخاصة.
كتبت "راتب" عبر حسابها الرسمي على موقع "فيس بوك": القصة اللي هتفضل محفورة في قلبي.. سنة 1999 في يوم عادي، بابا جاله تليفون على البيت، بعد ما رحب بالمتصل، سكت شوية و بعدها شال التليفون من على ودنه وبص لأمي (اللي اسمها فيرا بالمناسبة) وقال لها ووشه كله رهبة: فيرا..هنحج".
أضافت: "وفي لحظة صالة بيتنا دي بقت بتتهز من ردود أفعالنا و رد فعل أمي.. شركة الهانوف للسياحة أهدت رحلات حج مدفوعة بالكامل لأبطال مسلسل أم كلثوم اللي كان تم عرضه في رمضان نفس السنة، وطبعا بابا ساعتها اتفق إن والدتي هتطلع معاه وهيدفع لها التكلفة".
أشارت: "والله يا بابا إنك كنت عبد محبوب من رب العالمين وربنا رزقك ودعاك من حيث لا تدري ولا تحتسب لأن سبحانه و تعالى عارف قلبك وعارف إنك كنت كما قال الحبيب (خيركم خيركم لأهله) ربنا يجازيك عنا خير يا حبيبي ويبارك لنا في ماما.. اللهم ارزقني الحج عاجلاً غير آجل يارب".