شاهد.. برومو الموسم الثاني من "لينة كلام تاني"
طرحت الإعلامية لينة الطهطاوي برومو الموسم الثاني من بودكاست "لينة كلام تاني"، والمقرر إذاعته يومي الاثنين والخميس الساعة 7 مساء.
استعرضت "الطهطاوي" خلال البرومو، ما تناوله الموسم الأول، والذي ركز على فترة الحمل، أما الموسم الثاني فيتحدص عن رحلة الأمومة ويجيب عن كل الأسئلة، مشيرة إلى استضافة أطباء أطفال وتجميل وجلدية ونفسية وأخصائيين رضاعة.
أيضا سيتم استضافة عدد من المشاهير للحديث عن تجربتهم في سنة أولى أمومة، مثل حنان مطاوع، رحمة أحمد، يسرا اللوزي، كارمن سليمان، إنجي المقدم.
كتبت لينة الطهطاوي عبر حسابها الشخصي على موقع تبادل الصور والفيديوهات إنستجرام: "من أول نبضة جوايا الدنيا ما بقتش زي قبلها
في Season 1 لينة كلام تاني، كان حكاية البداية، حكاية الحمل، الخوف، الشغف، وانتظار أول لقاء، بس الحقيقة اللي محدش بيقولها كفاية إن البداية الحقيقية، بتبتدي لما البيبي يوصل".
تابعت: "لما الصوت الصغير يملا الدنيا، ولما قلبك يتقسم نصين، نص معاه ونص خايف عليه
في Season 2 لينة كلام تاني، مش بس عن أول سنة أمومة، ده عن كل اللي جواكِ واللي هتعيشيه، عن حب كبير بيتولد وبيزيد يوم عن يوم
في Season 2 هنتكلم بصراحة، من غير تجميل عن مشاعر بنحسها كلنا ومش دايمًا بنعرف نقولها، وهنجاوب على كل سؤال جه في بالك، أو لسه هييجي، في سنه أولى مامي عارفين ان الرحلة مش سهلة عشان كدا مش هتكوني فيها لوحدك، إحنا هنكون سوا معاكِ خطوة بخطوة، تابعونا في لينة كلام تاني٢".