شريف مدكور: الحسد بيقوي ليّ إيماني

قال الإعلامي شريف مدكور إنه تعرّض للحسد من قِبل كثيرين، لكنه لم يلتفت إلى ذلك بشكل كبير، مشيرًا إلى أن الحسد يزيد من قوة إيمانه.

أوضح "مدكور" خلال حلقة مساء الخميس من برنامج "4 شارع شريف" المذاع عبر شاشة "الحياة": "أنا بتعرض للحسد دائما، بس الحمد لله.. الحسد بيقوي ليّ إيماني".

وفي سياق آخر، تحدث شريف مدكور عن مقومات قبول شريك المستقبل، مؤكدًا أنه لو كان لديه ابنة وتقدّم لها عريس، فإن أول ما سيلتفت إليه هو والدا العريس وعلاقتهما ببعضهما، مشيرًا إلى أنه في حال كان الوالدان مطلقين فقد يترتب على ذلك بعض المشكلات المرتبطة بطبيعة تعاملهما بعد الطلاق.

أشار "مدكور": "لو عندي بنت وجاي لها عريس أول حاجة هبص لها أمه وأبوه وعلاقتهم، والأصول اللي اتربوا عليها، وده قبل ما أشوف العريس أصلا.. ويوم لما يتقدموا بيتكلموا إزاي ولابسين إيه وبيتصرفوا مع أهل البيت إزاي، وعينيهم بتبص على إيه".

تابع: "ولو الأم والأب متطلقين هيبقى عندي شوية مشاكل، وهبقى عاوز أعرف اتطلقوا ليه، لأن الطلاق كده كده بيأثر على العيال.. ولوالأب والأم اتطلقوا ووقفوا لبعض في المحاكم، وهو شاف أبوه وأمه كده ، ده هيطلع مش سوي قوي، طيب هيعمل ايه في البنت؟".

كما تطرق شريف مدكور في حديثه إلى علاقته بأسر الفتيات اللاتي ارتبط بهن سابقًا، مؤكدًا أن تجمعه بهم علاقات طيبة بسبب تشابه هذه الأسر مع أسرته، موضحًا: "أنا ارتبطت أكتر من مرة، وآخر علاقة كانت من أكتر من 20 سنة، بس علاقتي بأسرهم لحد دلوقت حلوة جدا وأصحاب، وعلاقتهم بأهلي كمان حلوة جدا، لان الأهالي كانوا شبه بعض".

اختتم "مدكور" : "دي مش عنصرية، لكن ده اللي بيخلي العلاقات الإنسانية والجوازات تدوم .. و واللي مالوش كبير نرجع له دي مصيبة ".