محمد سليمان: لو بنتي عايزة تخلع الحجاب مش هقولها لأ
تحدث الفنان محمد سليمان عن كواليس زواج ابنته قائلا" معملناش قايمه ولا مهر والحاجات دي القايمة والمهر ملهمش اعتبارات خالص".
وأوضح سبب عدم مطالبة عريس ابنته بالمهر من خلال برنامج فيس أوف والذى تقدمه الإعلامية سارة نخلة على شاشة قناة هي قائلا" شوية الكراكيب دي هي اللي هتحميها هو ده اللي هيأمن مستقبلها".
وأكمل: حصل أي حاجة والكابلز انفصلوا والبنت أخدت العفش بتاعها دة كله مش مهم الأهم اني أعرفها إزاي تبقى مستقلة ماديا واقتصاديا.
وأكد على رأيه في عدم أهمية القائمة قائلا: "علم البنت اللي اتعلمته دا اللي بيأمن مستقبلها أخلاقها ومفاهيمها هي اللي بتأمن مستقبلها وطريقة تعاملها في الحياة دة المهم".
وكشف عن موقفه اذا قررت ابنته خلع الحجاب قائلا" طبعا مش هتدخل هي قبل ما تتحجب جت قالت ليا انا ومامتها على قرارها مامتها اتصدمت وانا قولت ليها فكري كويس مليون ألف مرة لأن خلع الحجاب دة شئ محبط".
برنامج "FACE OFF" تقدمه الإعلامية سارة نخلة على شاشة قناة "هي" يوميًا من السبت إلى الاثنين وتستضيف عددا من نجوم الفن وتناقش القضايا المطروحة يوميًا بين الجمهور.
محمد سليمان: لو بنتي عايزة تخلع الحجاب مش هقولها لأ