حلمي عبد الباقي: سارة زكريا لن تٌغني في مصر مرة أخرى
قال "عبد الباقي" في تصريحات لـ برنامج "زوم ونص"، المذاع عبر شاشة قناة "هي"، والذي تقدمه الإعلامية نورهان عبد الفتاح، إن المطربة اللبنانية سارة زكريا تخضع للتحقيق حاليا في نقابة المهن الموسيقية، ولفت إلى أنها لن تقيم حفلات أخرى في مصر خلال الفترة المقبلة.
أوضح: "سارة زكريا في التحقيق، ومع أن المفروض من غير تحقيق تتشطب لأنها مش عضو في النقابة أصلًا ومش هيحصل ده تاني، وهي تنسى أنها تغني في مصر تاني، ولسه بيتحقق معاها ولكن اجتهاد مني مش هتمسك مايك تاني في مصر وإحنا مش هنسمح بده".
أكد وكيل أول نقابة المهن الموسيقية، أن مجلس النقابة يرحب بأي فنان يحمل جنسية غير مصرية طالما يحترم عادات وتقاليد الجمهور المصري، متابعًا: "أهلا وسهلا بأي فنان من بره مصر طالما بيحترم الجمهور وبيحترم المسرح والكلمة اللي بيقولها، أنما أي حد تاني هيخرج عن النص ملوش مكان عندنا".
أردف: "مينفعش على مسرح مصري تقولي الألفاظ دي مش هيحصل حتى لو هتكسبنا ملايين مش هنقبل بده". مضيفا: "الحياة بالشكل ده مش حلو خالص، وإحنا مصر وإحنا أساس الفن ومنارة الفن في الوطن العربي كله، وفي هجمة شرسة معرفش إيه السبب فيها إنما إحنا واقفين بالمرصاد لأي حد يخرج عن النص ويخلي شكلنا كبلد راعية للفن والفنانين تبقى بالشكل ده".
اختتم: "النقيب مصطفى كامل عامل مجهود خرافي أنه بيتصدى لأي مشكلة في نقابة المهن الموسيقية، ومش معقول يا جماعة مش ملاحقين على الناس دي كلها".