وفاء عامر: التمثيل ممرض وبيهد الحيل

قالت الفنانة وفاء عامر، إن التمثيل ليس سهلا كما يعتقد البعض، فهو متعب جدا، موضحة أنها يجب أن تذهب للطبيب النفسي دائما حتى تتعافى من آثار الشخصيات التي تقدمها.

أضافت “عامر” خلال لقائها في برنامج “الستات مايعرفوش يكدبوا” المذاع عبر شاشة “CBC”: “الناس فاكرة التمثيل سهل، لا التمثيل ممرض ومتعب وبيهد الحيل، لو الواحد بيروح لدكتور نفسي عشان موضوع مضايقه فأنا المفروض أروح كل ربع ساعة لدكتور نفسي عشان الشخصيات والمشاهد اللي ورا بعض بتعمل قشور فوق قشور”.

نرشح لك: فيفي عبده للجمهور: ارحموني من الحسد

أشارت: “إحنا كفنانيين بنحب الناس وبنحب اللي بنقدمه لهم اللي بيمس واقع كونوا رفقاء بينا، ساعات الجمهور بيبقى قاسي شوية على الفنان.. في قلة قليلة من الناس غير المسؤولة بتأذي الفنان نفسيا عشان تهده في معنوياته”.

أردفت: “أنا شخصية تبان طيبة وبحب الناس وكل حاجة، لكن أنا قوية، ميكسرنيش غير ربما واقفة على أرض صلبة، وواثقة في نفسي وفي ربي، ومع كل عمل بيبقى وراه هدف يصحح من وضع، أو يحسس البني آدمين اللي إحنا بنعمل عشان العمل ده إننا حاسين بالمعاناة اللي بتعانوها”.