الرئيس: "الدولة مش أكل وشرب بس"

قال الرئيس عبد الفتاح السيسي، إن الدولة قامت بإعادة ضبط أمور ميناء الإسكندرية بشكل جيد، موضحا أن الدولة لم تكن تقوم بتطوير الموانئ في أرض فارغة، لكنها كانت تواجه إهدار أرض الموانئ وضياع معالمها.

تابع الرئيس خلال افتتاح محطة “تحيا مصر” متعددة الأغراض: “إحنا بدأنا نعمل حاجة مش في ظروف عادية خالص، وخاصة ميناء دمياط وحجم قضايا التحكيم اللي إحنا دخلنا فيها نتيجة أحداث 2011، طب أنا بقول كده ليه.. بقول للمستثمرين بصوا أنتو بتحطوا إيديكم في إيدين دولة بتكافح علشان تحط نفسها على خريطة الدنيا، الناس كانت بانية عمارة ومدرسة جوه الميناء”.

نرشح لك: أبرز تصريحات الرئيس السيسي خلال لقائه بأهالي قرية “الأبعادية” بالبحيرة

أردف: “أنا يهمني أقول التاريخ علشان تعرفوا إزاي.. لما رحت جرجوب أنا ماشفتش ده، ولما رحت برنيس ما اتعذبتش ولا صرفت أكتر من أن أعمل المنشأ نفسه، أصعب حاجة إنك تخش على مكان حصل فيه تشويه كبير جدا وبتواجد لناس وأنت مضطر تمشيهم، لما تمشيهم ماتظلمهومش وتصرف كمان، علشان ميناء الإسكندرية يبقى بالمستوى ده ويكون درة مصر، إحنا بنتكلم في أرقام كبيرة جدا جدا علشان بس تسوية الموضوع، فيه تفاصيل كتير جدا جدا”.

تابع الرئيس: “أنا لما بكلمكم كده يا مصريين علشان تعرفوا يعني إيه دولة، والدولة مش أكل وشرب، الدولة حاجة تانية خالص غير اللي إحنا بنتكلم فيه علشان كده بكتر في الكلام”.

الرئيس في ميناء الإسكندرية