استمع.. أغنية "متحملاني" لـ حمادة هلال
أغنية متحملاني
طرح الفنان حمادة هلال أغنيته الجديدة “متحملاني” عبر قناته الرسمية على موقع “يوتيوب“.
الأغنية كلمات وألحان مصطفى شكري، توزيع أحمد أمين، ميكس وماستر محمد جودة، جيتار باسم سعيد.
نرشح لك: كلمات أغنية “متحملاني” لـ حمادة هلال
وجاءت الكلمات كالتالي:
ربنا بيراضي ورضاني
لما بقيتي ليا وعلشاني
أنا متمنتش أكتر منك
بتبيعي الدنيا وشارياني
الحظ اما ضحكلي هداني
وأنتي هدية وتعويض ليا
عن فرحة زمان كانت سيباني
متحملاني وفي كل لحظة ضعف جنبي مقوياني
لا مخلياني شايل هموم أبدا في يوم ومكملاني
واخده بايديا في كل ضيقة ومعدياني
متحملاني أنتي اللي متشالك لك في قلبي ده حب غالي
مقدمالي أكتر من اللي بيتعمل وريحتي بالي
يا أغلي من كل اللي كنت بشوفه غالي
العين بتشوفك ملياها
أسراري معاكي وعارفاها
أنا آمنك على نفسي الطالع
تكمل سكتي لو بدءاها
الدعوة اللي أنا عشت شايلها
كان فرحة نصيبي مأجلها
من غيرك أعيش كده وياها
متحملاني وفي كل لحظة ضعف جنبي مقوياني
لا مخلياني شايل هموم أبدا في يوم ومكملاني
واخده بـ ايديا في كل ضيقة ومعدياني
متحملاني أنتي اللي متشالك لك في قلبي ده حب غالي
مقدمالي أكتر من اللي بيتعمل وريحتي بالي
يا أغلي من كل اللي كنت بشوفه غالي
في سياق آخر، أكد الفنان حمادة هلال أن مواقع التواصل الاجتماعي أصبحت صعبة للغاية، لكنها في الوقت ذاته مؤثرة بشكل كبير، لا سيما في متابعة ردود الفعل على الأعمال الفنية.
أضاف هلال، خلال حواره مع الإعلامي شريف عامر ببرنامج “يحدث في مصر” على قناة mbc مصر، أنه يدرك جيدا الفرق بين تعليقات اللجان الإلكترونية والتعليقات الحقيقية، قائلا: “السوشيال ميديا بقت حاجة صعبة جدا، والعيار اللي ميصبش فيها يدوش.. حتى الناس بقت تقلد بعضها في التعليقات”.
تابع: “أنا بتابع السوشيال ميديا جدا.. بس مبصرفش عليها، أنا بتعب في شغلي.. فأحب أشوفه نجاح حقيقي مش مدفوع”.
في نفس السياق، أشار حمادة هلال إلى أنه قدم أغنية “دايما دموع” في عام 2000، وحينها كان يبلغ من العمر 16 عاما، مضيفا: “مكنش فيه فيس بوك ولا حاجة نتابع من خلالها ردود الفعل.. وقتها كنت بتسمع النجاح بودنك في الشارع، مش مجرد تعليقات على صفحاتك”.