رمضان 2023.. مي كساب تكشف تفاصيل شخصيتها في "العمدة"

كشفت الفنانة مي كساب، تفاصيل شخصيتها في مسلسل “العمدة”، بطولة محمد رمضان وزينة ومنة فضالي، إيمان العاصي، والمقرر عرضه في رمضان 2023.

قالت كساب خلال مداخلة هاتفية في برنامج مساء dmc ويقدمه الإعلامي رامي رضوان المذاع عبر شاشة “dmc”: “ثريا شخصية طيبة جدا من بيئة بسيطة أوي وجعفر العمدة ده بالنسبة لها حاجة كبيرة أوي، حلم حياتها من وهما صغيرين في السيدة زينب جعفر العمدة، هنشوف مع الأحداث ليه وافقت يتجوز عليها، وليه فضلت مستسلمة لأن مفيش بإيديها حاجة، لأنها من أطيب الشخصيات اللي ممكن تقابلها في حياتك ومستسلمة أوي”.

نرشح لك: رمضان 2023.. يسرا تكشف تفاصيل مسلسل “ألف حمد الله على السلامة”

أشارت: “الروح بينا كانت كويسة، وكلنا كنا حريصين أن الروح دي تبقى موجودة هو دايما الناس بتقلق أن ستات كتير مع بعض ويقولك دول هيولعوا في بعض لكن لا اللوكيشن هادي وكلنا بنحب بعض، الورق عادل وكل واحدة فينا عنده تطورات وأحداث كتيره في دوره”.

أردفت: “هنخلص تصوير بعد 12 يوم، لأن إحنا بدأنا بدري لأن الأستاذ محمد سامي من المخرجين اللي ضد إنك تقعد تكمل تصوير وأنت في رمضان، ومن المخرجين اللي بيحبوا الممثل جدا، وبوعد الناس بمسلسل مختلف تماما”.

مسلسل “العمدة” تدور أحداثه في إطار اجتماعي شعبي، وهو من تأليف وإخراج محمد سامي، وشارك في السيناريو والحوار مهاب طارق، وإنتاج شركة ميديا هب سعدي –جوهر.

المسلسل بطولة محمد رمضان، زينة، هالة صدقي، إيمان العاصي، مي كساب، أحمد داش، فريدة سيف النصر، وعدد آخر من الفنانين.

مي كساب