رمضان 2023.. يسرا تكشف تفاصيل مسلسل "ألف حمد الله على السلامة"

كشفت الفنانة يسرا تفاصيل مسلسلها الجديد “ألف حمد الله على السلامة”، والمقرر عرضه في السباق الرمضاني المقبل 2023، موضحة أنها تعرضت لأزمة صحية جعلتها تستوقف تصوير المسلسل حاليا.

أضافت “يسرا” خلال برنامج “مساء dmc” المذاع عبر شاشة “dmc” ويقدمه الإعلامي رامي رضوان: “عندي برد جامد أوي أوي، ومن البرد ده عنيا بتنزل دموع لا تنتهي وحالتي كانت حالة، أنا بقالي 5 أيام في السرير وهما مكانوش متصورين إني هطول كده أنا قولت هرتاح يومين وخلاص، أنا بتحسن بس ببطء شوية”.

نرشح لك: رمضان 2023.. قائمة المسلسلات على قنوات المتحدة

أشارت: “مسلسل كوميدي ودمه خفيف والحدوتة والمواقف دمها خفيف، ست كانت مستسلمة تماما لزوجها وهو اللي كان بيقولها هنعمل كذا وهي بتقول أعمل اللي أنت عايزه، بتكتشف أن ليهم ورث في مصر هتيجي هتاخده، بنشوف بقى الهزار والضحك اللي بينها وبين شيماء سيف ومحمد ثروت أنا أوقات بموت من الضحك مبعرفش أمسك نفسي”.

أما عن حبها لنوعية مسلسلات اللايت كوميدي أوضحت: “أنا حبيت موضوع اللايت كوميدي لأني حاسه الناس عايزه تضحك وتنبسط وإحنا ولاد نكتة والشعب المصري معروف أنه لو ملقاش حاجة ينكت عليها هينكت على نفسه، فإحنا ناس دمنا خفيف وعايزين نضحك”.

وعن رأيها في التجربة التمثيلية الأولى لمطرب المهرجانات عنبة قالت: “عنبة طلع جميل بشكل وذكي ذكاء وبيمثل بطبيعية غير عادية وتتخض من الإيفيهات اللي تطلع منه”.

أردفت: “محمد ثروت أول مرة أشتغل معاه ومبسوطة، شيماء سيف شربات وحتة بت محصلتش، آدم الشرقاوي أنا بموت فيه من زمان ولما اشتغلت حبيته أكتر، ميان السيد بنوتي، ومعايا المخرج الجميل الأستاذ عمرو صلاح، أنا عندي جروب حلو أوي وهما بيشتغلوا فرحانين”.