داليا مصطفى: مبناخدش 750 ألف جنيه في الساعة زي المدرسين
ردت الفنانة داليا مصطفى، على الهجوم عليها بسبب انتقادها ارتفاع أسعار الدروس الخصوصية، إذ وجه لها البعض اتهامات بأن أجور الفنانين عالية فلا يحق لهم الشكوى. موضحة أن المدرس يتقاضى 750 ألف جنيه في ساعتين، وهي لا تحصل على هذا الأجر في هذه المدة أبدا.
أضافت “مصطفى” خلال لقائها في برنامج “يحدث في مصر” المذاع عبر شاشة “mbc مصر” ويقدمه الإعلامي شريف عامر: “صاحبتي حسبت ساعتين لمدرس في المراجعة النهائية بـ 750 ألف جنيه، فحضرتك اللي هاجمتني وقلت أنتوا بتاخدوا كام إحنا مبناخدش 750 ألف جنيه في الساعة خالص!”.
نرشح لك: داليا مصطفى تشكو بسبب الدروس الخصوصية
تابعت: “كلامي في القضية دي كان مشكلة، لأن في حد كلمني تاني يوم، وقال لي أنتي بتدخلي ليه أديكي اتشتمتي جامد، فاضايقت جدا، أنا بتشتم ليه؟ أنا ست مصرية آه ممكن يبقى أجري كويس بس أنا مبتكلمش عن نفسي بس، الأرقام دي كبيرة أوي، المادة الواحدة بتبقى بأربعين ألف جنيه في السنة! وفي 7 مواد”.
أردفت: “أنا قولت محدش ليه دعوة وأنا حرة واللي عايزة أقوله هقوله، ومش كل الفنانين أجورهم عالية، مش كلنا ارحمونا، أنا مالي أن فلان أو فلانة بياخدوا رقم قياسي، أنا باخد أقل من 7 سنين فاتوا، مبحصلش 750 ألف جنيه، ومندمتش إني تدخلت في القضية دي”.
كانت الفنانة داليا مصطفى، قد انتقدت ارتفاع أسعار الدورس الخصوصية، في منشور كتبته عبر حسابها الرسمي على موقع الصور والفيديوهات” إنستجرام”.
كتبت “مصطفى”: “صباح الخير أنا لسه صاحية، ومن واقع الصدمة مش قادرة وطلعت بالبيجامة، كنت بسأل صاحبتي عن مدرس كيمياء لابني، وقالت لي إن الحصة الواحدة من 750 إلى 900 جنيه”.