سمر محمد متولي: بابا كان موصي تامر حسني علينا

قالت الفنانة سمر متولي، ابنة الفنان الراحل محمد متولي، إن الفنان تامر حسني على علاقة جيدة بهم منذ 16 عاما، لافتة إلى أن والدها كان يحبه جدا وهو كذلك يحب والدها.

أضافت “متولي” خلال لقائها في برنامج “الستات مايعرفوش يكدبوا” المذاع عبر شاشة “CBC” وتقدمه الإعلامية منى عبد الغني، والإعلامية هبة الأباصيري، والإعلامية إيمان عز الدين: تامر “كان قريب مننا أوي، وحضر عيد ميلاد أختي، وأنا مثلت متأخر لسه من كام سنة، وبابا كان بيوصي تامر علينا”.

نرشح لك: أحمد ماجد: رحلتي مع التمثيل بدأت من الطفولة

أشارت: “قال له سمر بتمثل وعايزها تشتغل معاك، وكل عمل تامر بيبقى عايز يحطني في الفيلم بس مبيحصلش نصيب، مفيش حاجة لاقية عليا لسه، لحد ما اختارني في فيلم (بحبك)، وفي وسط شغله والضغط ده كله وأنه يفتكرني من غير أتدخل دي حاجة كبيرة أوي بالنسبة لي”.

فيلم “بحبك“، بطولة تامر حسني ويضم عدد من أبرز النجوم، منهم: هنا الزاهد، هدى المفتي، مدحت إسماعيل، حمدي الميرغني، شهد الشاطر، والفيلم من إنتاج حسام حسني، وتأليف وإخراج تامر حسني، في أولى تجاربه الإخراجية.