حنان مطاوع: شخصيتي في "ونوس" علامة في حياتي
تحدثت الفنانة حنان مطاوع عن تقديمها شخصية “نرمين” في مسلسل ونوس، الذي عرض خلال عام 2016 من بطولة الفنان يحيى الفخراني.
أوضحت مطاوع خلال لقائها مع الإعلامي عمرو خليل في برنامج من مصر عبر قناة cbc، قائلة: “مسلسل ونوس كان علامة في حياتي وخطوة لقدام؛ لأن الأعمال اللى اتعرضت علي بعده كانت مختلفة تماما عن ما قبله، فـ مهنيا شخصية نرمين اللي قدمتها فيه كانت مهمة جدا بالنسبة لي”.
نرشح لك: حنان مطاوع: المرأة العاملة “ممزقة”
وعن تعاونها في المسلسل مع يحيى الفخراني، قالت: “مش معقول جماله وأبوته لكل اللي بيشتغل معاه وطاقته الإيجابية وجديته في الشغل.. شخصيته في اللوكيشن ميكس بين التواضع والبهجة وبين الجدية وإنك تحس إنك فعلا في شغل مش رايح تهزر؛ وده شبه حياتي.. أنا كمان بشوف إن قوام الشغل الجدية.. وكنت سعيدة جدا بالشغل معاه”.
في سياق متصل، قالت إنها سعدت للغاية بالعمل خلال ونوس مع الفنانة هالة صدقي، مردفة: “كان من أسعد لحظات حياتي الشغل في لوكيشن مسلسل “ونوس” مع أستاذة هالة صدقي.. أنا بحبها جدا ولازم أحييها، وبعتبرها فعلا أختي الكبيرة، ودايما وحشاني وليها أفضال كتيرة عليا”.
