شاهد: أغنية شيرين ومحمد أسامة في احتفالية نصر أكتوبر بحضور الرئيس
قدمت الفنانة شيرين عبدالوهاب، بمشاركة الطفل محمد أسامة، أغنية لأبطال نصر أكتوبر المجيد، في احتفالية القوات المسلحة اليوم الثلاثاء بالذكرى الـ49 للحرب، بحضور الرئيس عبد الفتاح السيسي.
وكلمات الأغنية هي:
وأنت ماشي في سينا حاسب رمل سينا كله دم
من زمان مات لك هنا خال وأب وابن عم
وأنت ماشي في سينا حاسب رمل سينا كله دم
من زمان مات لك هنا خال وأب وابن عم
وناس كتير مش معدودين
وجد كان شايل في جيبه.. سلسلة مكتوب عليها آية من صورة ياسين
جد جدتك تدعيله يرجع وهو نفسه في الشهادة
تدعي هي بس هو عمره مرة ما قال آمين
وأنت ماشي في سينا حاول تفتكر مات فيها مين
وأنت ماشي في سينا ادعي واحنا وياك نقول آمين
كل شبر في سينا غالي
أرضها ملهاش مثيل
شمسها وضحكة نهارها ونور قمرها في ليل طويل
شوف بساطة أهلها والطبيعة وسحرها
أو جمال الجو فيها ولا مية بحرها
النجوم ماس في سماها وشكلها بين الجبال
سينا عين مصر اللي شافت بيها أيه معنى الجمال
رحلة العذراء ويسوع عدوا فيها من هنا
في أرضها سيدنا موسى عاش وكلم ربنا
سينا درة تاج بلدنا ردها لينا جدودنا
والنهاردة بقت أمانة لينا ولولاد ولادنا
وعد هنصونها بحياتنا
جوة قلبنا وفي عنينا
عهد من جيلنا وجيلنا
والتزام واجب علينا
وانت ماشي في سينا حاول تفتكر مات فيها مين
وانت ماشي في سينا ادعي واحنا وياك نقول آمين