نهى العمروسي: جبت لنفسي مصايب سودة

قالت الفنانة نهى العمروسي، إنها تؤمن بطاقة الكلمات، وأن لها دور كبير في أزمات حياتها كأزمة سجنها.

تابعت “العمروسي” خلال لقائها مع الإعلامية ياسمين عز في برنامج “كلام الناس“، المذاع عبر شاشة “mbc مصر”: “أنا جبت لنفسي مصايب سودة، حتى سجني كنت بهزر مع واحدة صاحبتي قبلها بأسبوع في الموضوع وبعدها اتسجنت، وفي مسلسل (سجن النسا) كنت بقول لكاملة أبو ذكري أنا عجباني حياة السجن، والكلمة اتحققت، لأن الكلمة ليها قوة وطاقة جذب”.

نرشح لك: نهى العمروسي ترد على اتهام “دي بتاعة مخدرات”

 

أضافت: “أنا اتعلمت بقى ماقولش على نفسي كلام سلبي، لأني أنا اللي أذيت نفسي وجذبت كل المصايب بقوة الكلمة”.

وعن سبب غيابها الفني، علقت: “أنا مش مخاصمة الفن ده هو اللي مخاصمني، بتتعرض عليا حاجات قليلة ووحشة، وأنا مش ههزأ نفسي.. أقعد في بيتي محترمة، وأختفي أحسن ما أظهر في حاجات ملهاش لازمة”.

أضافت: “مش فارقة معايا المهم إني مقدرة نفسي، يا جبل ما يهزك ريح.. أنا مش مستنية كل الناس تحبني، بس لو مهنتي مقدرتنيش فأنا حرة ومش هتقهر”.

MBC مصر كلام الناس نهى العمروسي ياسمين عز