طبيب شيرين عبد الوهاب: هي بخير وهترجع بقوة

تحدث الدكتور نبيل عبد المقصود، مدير مستشفى قصر العيني الفرنساوي سابقًا وطبيب الفنانة شيرين عبد الوهاب، عن كواليس سفره معها لمساندتها في مهرجان قرطاچ وتقبيلها ليده، وتفاصيل حالتها النفسية حاليا.

قال “عبد المقصود” عبر برنامج “صباح العربية“، إن تقبيل شيرين ليده كان موقفا عفويا ولم يكن مرتبا على الإطلاق، معلقا: “كان تصرف عفوي وطبيعي منها، أنا اتفاجئت لأن الطبيب لا ينتظر أي تكريم أو تقدير، وسعادتنا إننا نشوف السعادة والفرحة في عين المريض، بس التصرف ده أثر فيا أوي وكان موقف كله حب ومشاعر”.

نرشح لك: طبيب شيرين عن تقبيلها يده: موقف هزني نفسيا

 

أضاف: “هي مرت بمشاكل إجتماعية كتير أوي ورا بعضها وأثرت فيها، كان نتيجة ده انعزالها عن المجتمع والجمهور اللي بيحبها، ولما اتواصلت معايا مقدرتش أتأخر عنها وقدرنا نطلعها من هذه الدائرة، وقبل المهرجان قالتلي أنا مش حاسة إني جاهزة أقابل الجمهور وأغني، قلتلها لأ إنتي جاهزة لأنها كانت محتاجة الدفعة الإيجابية اللي تسندها، وده كان سبب سفري معاها”.

أردف: “شيرين بخير وكويسة أوي، ومش هترجع زي ما كانت لأ هترجع سوبر شيرين، واللي حصل في مهرجان قرطاج كان قبلة الحياة بالنسبالها، وأنا متوقع إنها هتستمر بشدة، وبترتب أغاني جديدة دلوقت وهترجع بقوة لجمهورها اللي بتحبه”.

استطرد: “وهي إنسانة طيبة عفوية كل اللي في قلبها بتقوله عندها إحساس مرهف للغاية، كل أغانيها بتعيشها وهي بتغنيها، لما بتضحك في أغاني فيها شيء من الفرحة بتبقى فعلا فرحانة، لما بتقول أغاني فيها دراما بتعيشها لدرجة إن عينيها ممكن تدمع، شيرين تركيبة غريبة، ربنا مديها صوت وقبول عند الناس في كل ظروفها، نعتبرها أم كلثوم هذا الزمن”.

طبيب شيرين عبد الوهاب

أحيت الفنانة شيرين عبد الوهاب مساء يوم السبت، حفلا غنائيا، في مهرجان قرطاج الدولي للموسيقى بتونس.

ووجهت خلاله رسالة شكر لجمهورها الذي ساعدها على تخطي أزمتها الأخيرة، وخاصة طبيبها الذي شجعها لإحياء الحفل.

قالت “عبد الوهاب”، في فيديو نُشر لها من حفلتها الأخيرة بمدينة قرطاج على موقع تبادل الصور والفيديوهات “انستجرام“: “حابة أشكر الجمهور اللي رجعني تاني للحياة وأشكر ناس معينة وقفوا معايا جدا في الفترة النفسية الأخيرة دي”.

تابعت: “وقد أيه أنا ممتنة لحضرة السفير المصري اللي أنا بغني بحضوره النهاردة على دعوتي لمهرجان قرطاج اللي هو بيحيي أي إنسان ممكن يكون ميت وأنا كنت ميتة”.

وبشكل خاص وجهت رسالة شكر لطبيبها دكتور نبيل عبد المقصود مقبلة يديه، وتابعت: “عاوزة أشكر دكتور نبيل عبد المقصود، دكتوري اللي عالجني بجد، من اسبوعين قولتله أنا مش هقدر أغني قالي هتقدري وانا هاجي معاكي”.

رئيسية شيرين عبد الوهاب صباح العربية طبيب شيرين عبد الوهاب مدير مستشفى قصر العيني مهرجان قرطاچ نبيل عبد المقصود نيوز ليتر