نيللي كريم: لو مكنتش بحب الاستقرار مكنتش هخلف 4 عيال
شدوى ممدوح نيللي كريم
قالت الفنانة نيللي كريم إنها قد أخطأت الاختيار في أول زيجاتين لها بالإضافة إلى أنها كانت أيضا اختيار خاطئ لهما.
قالت “كريم” خلال لقائها مع الإعلامي أنس بوخش في برنامج “ABtalks” الذي يعرض على موقع يوتيوب: “توجهات الجواز بالنسبة لي متغيرتش، لأن الجواز بالنسبة لي يعني عيلة واستقرار وأنا لو مكنتش بحب الاستقرار ماكنتش هتجوز ولا كنت هجيب 4 عيال، الفكرة كانت في الاختيار الغلط لأني كنت اختيار غلط بالنسبة لهم وهم كانوا اختيار غلط بالنسبة لي“.
نرشح لك: هشام عاشور يجسد دور زوج نيللي كريم في مسلسل “روز وليلى”
أضافت: “الجواز زي ما بيقولوا عندنا في مصر بطيخة متعرفش حمرا ولا قرعة.. اللي حصل حصل خلاص أهم حاجة إن الواحد يعرف ينفد بنفسه وما يستسلمش للاكتئاب أو يقعد يعيط ويقول إن حظه وحش، لازم يقف على رجله تاني ويشوف حياته وشغله“.
وعن معنى الحب بالنسبة لها، أوضحت: “الحب معناه بالنسبة لي إنه حالة بتكون مع النفس أولا، بتكون مرتاح وعارف تتنفس وراضي عن نفسك وتبقى مقبل على الحياة مع نفسك الأول، الحب بيبدأ لما بتكون مبسوط وسعيد وراضي لأن ساعتها تقدر تدي الحب للناس اللي حواليك“.
اختتمت: “الحب كمان هو إنك تقدر تعمل طاقة حلوة في المكان اللي أنت موجود فيه.. الحب له معاني كتير مش الحب اللي بين الراجل والست بس، الحب بيبقى هالة ممكن تلاقيها في أي مكان.. في ناس معندهاش الحب ده حتى متقدرش تقعد مع نفسها“.