عمرو أديب ينتقد سوء تنظيم حفل كايروكي بالإسكندرية

شدوى ممدوح

انتقد الإعلامي عمرو أديب سوء تنظيم حفل كاريوكي الذي أُقيم أمس في محافظة الإسكندرية، مشيرا إلى أنها تسببت في قلق شديد له.

أضاف ”أديب” خلال تقديمه لحلقة السبت من برنامج ”الحكاية”، المذاع عبر قناة ”مصر mbc”: ”الموضة السنة دي من أول أبو قير في إسكندرية لحد ألماظة في آخر الساحل الشمالي ما يسمى بحفلات الشاطئ، وحفلة كاريوكي في إسكندرية قلقتني لأن العدد اللي كان مطلوب يحضر حوالي 5 أو 6 آلاف، وحضر 20 ألف”.

نرشح لك: بسبب حفل الإسكندرية.. كايروكي تعتذر لجمهورها

أوضح ”أديب” سبب خوفه من حفل كاريوكي، قائلا: ”أنا مش خايف من الكورونا أو حمى القرود، أنا كنت خايف إن الناس تدوس على بعضها.. المكان بالرغم من أنه مفتوح الناس اتخنقت من الزحمة فيه.. اعملوا حفلات زي ما أنتوا عايزين بس يكون في جهات قادرة على التنظيم.. بوستات الناس اللي حضرت حفلة كاريوكي كلها بتتكلم على إن المكان ما يتحملش كل العدد ده”.

تابع: ”لو حد من الناس دي كان ولع حاجة امبارح أو أتخانق وباقي الناس جرت كانوا هيدوسوا على بعض ونرجع نقول هو الأمن كان فين؟ والمطافي والإسعاف ليه اتأخروا؟ هم ساعاتها مش هيقدروا يعملوا حاجة.. إحنا قدام كارثة حقيقية في العالم كله.. كاريوكي على عيني وراسي وأنا بموت في أمير عيد وعايز الناس اللي في الساحل الطيب تستمتع زي الناس اللي في الساحل الشرير، ودي عشان لسه تجارب في أول الصيف هتعدي بس ارجوكم خدوا بالكوا من التنظيم بعد كده”.

يذكر أن حفل فرقة كايروكي في الإسكندرية كان بفندق ”جولدن چويل” بسيدي جابر، ويعد هذا الحفل الأول للفرقة بعد غياب دام لحوالي 3 سنوات، وتم فتح أبواب دخول الحفل للجمهور في تمام الساعة السابعة مساءً، وانطلق الحفل نفسه في تمام الساعة التاسعة مساءً.

تراوحت أسعار تذاكر حفل فرقة كايروكي، حسبما جاء بالموقع المخصص لشراء التذاكر، بين 300 جنيه للفئة العادية، و500 جنيه لفئة الـ ”Vip”.