هالة صدقي عن دورها في "فاتن أمل حربي": معجبنيش

قالت الفنانة هالة صدقي، إن لم تتحمس لدورها في مسلسل “فاتن أمل حربي” بقدر حماسها لفكرة المسلسل ككل.

تابعت خلال مكالمة فيديو مع برنامج “تفاعلكم” مع الإعلامية سارة دندراوي، عبر شاشة “العربية”: “يمكن الحقيقة لما قريت الورق دوري معجبنيش، لكن من حماسي للموضوع والقضية وإيماني بيهم وافقت، كان فيه تحدي بيني وبين ماندو العدل إن الدور ده هيعمل صدى ولا لأ، زي ما يكون عندك منتج الناس مقتنعة بيه بس انتي لأ”.

أضافت: “اللي بيقولوا الانتقادات دي على المسلسل هما اللي مش عاوزين المرأة تاخد حقوقها، بس فيه رجالة تانية كتير محترمة لأن اللي بيحصل في المسلسل ده ممكن يحصل لبنته، القانون في مصر ابتدى ينصف المرأة لكن التنفيذ فين؟ إنتي في نظر القانون مجرد دادة وملكيش أي حق على أولادك”.

نرشح لك: نيللي كريم: الموت حقيقة.. ولكن!

وعن أزمتها الأخيرة مع طليقها، وما إذا كانت تتشابه مع بعض أحداث المسلسل، أوضحت: “أنا مسلسلي مش هيخلص، واضح إنه 120 حلقة .. أصل هعمل إيه؟ زهقت بقى، ومهما كانت المشاكل كيدية أنا معنديش مشكلة معاها، بس لما تدخلي الأطفال فيها هي دي المشكلة”.

استطردت: “من أكتر المشاهد اللي كأبتني بجد نفسيا مشاهد المحاكم، لأنها كانت في المحكمة اللي أنا بروحها وحافظة كل حتة فيها”.

مواعيد عرض مسلسل فاتن أمل حربي

قناة cbc: الساعة 7:35 مساء
الإعادة: 12:40 صباحًا – 10:15 صباحًا
قناة دبي: 7 مساءً
الإعادة: 5 صباحًا

قصة مسلسل فاتن أمل حربي

تخوض الفنانة نيللي كريم تجربة جديدة، حيث تدور أحداث العمل حول قضايا الزواج وقضايا الأسرة، وما يدور خلف أروقة المحاكم.

أبطال مسلسل فاتن أمل حربي

المسلسل من بطولة، نيللي كريم، وشريف سلامة، وهالة صدقي، وخالد سرحان، ومحمد الشرنوبي، ومحمد ثروت، وجيلان علاء، وفادية عبدالغني، وآخرين، ومن إخراج ماندو العدل، وتأليف إبراهيم عيسى، وإنتاج العدل جروب.