أكرم حسني عن أغنية ”ستو أنا”: كنت هسميها جنة الفواكه
شدوى ممدوح
أغنية ستو أنا
أوضح الفنان أكرم حسني، أنه كان يريد عمل أغنية مشابهة لأغنية ”بسبوسة” في مسلسل ”الوصية”، وذلك لحب الناس لكلماتها.
قال ”حسني” خلال حلوله ضيفا على برنامج ”نجوم رمضان أقربلك” الذي تقدمه إنجي علي، عبر إذاعة ”نجوم إف إم”: ”في أغنية ستو أنا كان عيني على أغنية بسبوسة اللي كانت موجودة في مسلسل الوصية”.
نرشح لك: شاهد.. أغنية “ستو أنا” لـ أكرم حسني من “مكتوب عليا”
أضاف: ”كنت بقول إن أغنية بسبوسة فيها غزل دمه خفيف كده والناس حبته، وإحنا هنا عايزين نعمل زيها بس مش عارفين نقول إيه.. خالد الحلفاوي اقترح بداية ستو أنا، وأنا بكلم سلمى في مشهد ما، وكنت بقولها ايه يا ستو أنا فحسيت ساعاتها إن الكلمة دي ممكن تكون لازمة في المسلسل وأنا بكلم هنادي”.
أما عن كتابة أغنية ”ستو أنا”، قال ”حسني”: ”قولت لنفسي ليه الأغنية ما تبدأش بأفيه ايه يا ستو أنا، وأقولها كل الكلام اللي فيه غزل زي أن قلبه ده برتقالية تعمل في اللي هي عايزاه”.
أردف: ”كنت هسميها جنة الفواكه بعد كده قولت لا، أنا بحاول دلوقتي أشوف الناس عايزه تسمع ايه، وادخلهم مفردات مختلفة يكون دمها خفيف وسهله على لسانهم وخاصة الأطفال لأن الطفل لو حفظ أغنية كل البيت هيحفظها”.
تابع ”حسني”: ”أنا عيني على الأطفال لسببين، الأول إن الطفل هو اللي بيقرر الأسرة هتتفرج على ايه، والسبب التاني هو إن الطفل ده راس المالي بمعنى إن اللي هيحبني دلوقتي هيكمل معايا لبعدين زي ما بنتفرج على عادل إمام لحد دلوقتي”.
مواعيد عرض مكتوب عليا
قناة dmc: الساعة 6:45 مساء.
الإعادة: 6 صباحًا – 12:30 مساءً.
قصة مسلسل مكتوب عليا
قصة وسيناريو وحوار الكاتب إيهاب بليبل، وإخراج خالد الحلفاوي في ثالث تعاون له مع المنتج كريم أبو ذكري، بعد أن حققا معا نجاحا كبيرا في مسلسلات “الوصية” و”حلوة الدنيا سكر”، ويعد هذا المسلسل هو التعاون الثاني الذي يجمع k media للمنتج كريم أبوذكري مع النجم أكرم حسني، بعد مسلسلهما “الوصية”.
أبطال مسلسل مكتوب عليا
ويشارك في مسلسل “مكتوب عليه” بجانب أكرم حسني وعمرو عبدالجليل وأيتن عامر، نخبة من النجوم، أبرزهم حتى الآن، هنادي مهنى، محمد طعيمة، أسامة عبدالله، ولأول مرة هلا رشدي ممثلة بعيدا عن الغناء، كما يشارك أيضا في البطولة الفنانتان حنان سليمان، وعزة لبيب.