أسامة منير: مريت بأزمة منتصف العمر
محمد هيثم
قال الإعلامي أسامة منير، إن أزمة منتصف العمر تأتي للرجال والنساء، موضحًا أنها تكون بنسب حسب التوقيت الذي تأتي فيه.
تابع “منير” خلال لقائه في برنامج “كلام الناس” مساء اليوم الأحد المذاع على شاشة “MBC مصر”، وتقدمه الإعلامية ياسمين عز، أن أزمة منتصف العمر من الممكن أن تأتي للشخص في أوائل الأربعينات وفي هذا الوقت تكون جاءت مبكرا، أو في الستينات وهذه متأخرة، أو تأتي في منتصف الخمسينات، على حسب ما عاشه وما حصده وما ضحى به الشخص في حياته.
نرشح لك: أسامة منير: لو مكان أحمد حلمي هقف في وش الدنيا كلها عشان مراتي
أضاف: “القصة بتيجي هنا.. أنا تعبت واشتغلت، هل أنا حققت الرسالة بتاعتي؟ هل أنا ارضيت كل الناس اللي حواليا وأسعدتهم؟ وأنا فين من ده كله.. ويمكن أنا عملت غنوة على ده”.
أوضح: “في الفترة اللي فاتت أنا مريت بأزمة منتصف العمر، ومفيش راجل ممرش بيها، ومريت بيها بشدة وبقوة.. وبدأت أفكر بشكل تاني، يعني أنا عايز أعمل مشروع.. طب تعمله ليه؟ فاضلك كام سنة عشان تعمل فيهم الشغل ده؟ عقبال ما ينجح المشروع ده هتلحق تستمتع بيه”.