شاشة

“قبل اعتذارها”.. مفيد فوزي يعاتب مذيعة برنامج “كلام الناس” على الهواء

عاتب الإعلامي مفيد فوزي، الإعلامية ياسمين عز خلال بداية حلقة أمس السبت من برنامج “كلام الناس”، المذاع عبر شاشة “mbc مصر”، بسبب عدم ترحيبها به.

قال “مفيد” خلال الدقائق الأولى من الحلقة: “عندي ملاحظة ياريت قلبك يتسع لها.. لما جيت دخلت الاستوديو كان المفروض تقومي ترحبي بيا، لأني ببساطة لست صاحب الاسم والكبير والشهرة، لكن لأني من أباء المهنة”.

نرشح لك: مفيد فوزي عن عمرو دياب: لم يشارك في أي حدث قومي

وبررت له “ياسمين” عدم ترحيبها به قائلة: “أنا حاولت أتصل بحضرتك كتير إمبارح عشان نكون مقربين على الهوا، لكن بلغوني إن حضرتك نايم.. ومعرفتش أقوم لأن مثبتين الميكروفون في ضهري لو اتحركت هيقع”.

ليقبل “مفيد” عذرها معلقا: “أنا قولت يغفر لها أنها شابة ويغفر لها هدؤها ولبسها الأبيض الملائكي وأنها بسيطة الملامح، ويقبل عذرك”.

في سياق منفصل صرح الإعلامي مفيد فوزي خلال الحلقة، أن الفنان عمرو دياب لا يهتم بالمشاركة في أي حدث قومي على عكس أغلب الفنانين.

تابع “مفيد” خلال لقائه مع برنامج “كلام الناس” مع ياسمين عز، المذاع عبر شاشة “mbc مصر”: “عمرو دياب يطلع على بنت حلوة وحضور اجتماعي فقط، لكن لا صوت ولا أسمعه ولم يشارك في أي شيء قومي يخص البلد.. محمد منير غنى (فرحة الصعيد)، هل عمرو دياب على دماغه اللي بيحصل في الصعيد؟ لا طبعا إنسي تماما، عمرو دياب عضلات وظريف”.

“عمل كذا مشاركة سابقة ومكانش ليها أي صدى، مثلا عبد الحليم حافظ لما غنى عدى النهار في زمن النكسة كانت الماس تبكي لأن صوته أيقونة الشجن في حياتنا، لكن دلوقت مفيش صوت الدموع تنزل علشانه”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock