خالد عليش يكشف تفاصيل ارتباطه بمريهان عمرو في 2021
محمد هيثم
تحدث الإعلامي خالد عليش، عن تفاصيل عام 2021، وكيف ارتبط هو وزوجته الإعلامية مريهان عمرو.
كتب “عليش” على حسابه الرسمي على موقع تبادل الصور والفيديوهات “إنستجرام“: “سنة حلوة وجميلة بحلوها وبمرها بكل حاجة فيها الحمد لله رب العالمين.. السنة دي أنا وميرا صحاب من زمان بس حبينا بعض في شهر 1 ارتبطنا شهر 3 اتخطبنا شهر 7 اتجوزنا شهر 11.. وربنا يباركلنا في اختيارنا إحنا الاتنين”.
نرشح لك: أنغام: سأعتزل الغناء في هذه الحالة
تابع: “سنة مليانة أحداث من عملية جراحية لتعب والدتي لفرحة حلوة لشغل لذيذ لبيت هادي، دايما الحاجات الوحشة بتحصل عشان تعرفنا قيمة الحاجة الحلوة، وعمرها ما هتكون حياة إلا وهي فيها الحلو والوحش الفرح والزعل الخير والشر”.
أضاف: “لازم تعرف أن الصمت لغة العظماء وطول ما أنت راضي ضميرك قدام ربنا وعارف أنت بتعمل إيه كويس.. سيب اللي يتكلم يتكلم ما هو مش فاهم حاجة”.
أردف: “زي كل سنة ربنا يخلي والدي ووالدتي وأخويا وميما بنتي البنوتة القمر اللي ربنا يقدرني وتبقى جنبي العمر كله وأحققلها كل أحلامها وصديقتي مرمورة أحلى واحدة، ويا رب نور بصيرة كل شخص مش شايف الحقيقة وأهدي الجميع للخير”.
View this post on Instagram