خالد الجندي: الناس تجاوزت مرحلة الطلاق الشفوي

محمد هيثم

قال الشيخ خالد الجندي، إن الناس تجاوزت مرحلة الطلاق الشفوي، مؤكدا على ضرورة أن يتفق الزوجان على ألا يقع الطلاق مشافهة.

تابع “الجندي” خلال تقديمه برنامج “لعلهم يفقهون”، مساء الخميس، المذاع على قناة “dmc”: “تقولي بتحب إيه في حياتك أقولك الهدايا، تقولي إنه نوع هدايا بتحبه؟ مجوهرات؟ لا، عربيات متلاقيش، عربية بنتلي لا مش عايز مع أنها لو جت مفيش مانع، تقولي إيه الهدية اللي بتحبها؟ أقولك الكتاب، وبتمني يكون في الجنة قراءة”.

نرشح لك: خالد الجندي: إذا وقفت أمام النبي سأعتذر بسبب معاملتنا للنساء

أضاف: “المستشار علي رسلان رئيس محكمة الاستئناف، بعت لي كتاب هدية الكتاب اسمه (مشروعية تقييد الطلاق الشفوي وضرورة أن يكون أمام المأذون)”، متابعا: “بطمن المستشار علي رسلان أن الناس تجاوزت مرحلة الطلاق الشفوي زي الدول المحترمة اللي عملت ده، كل دول العالم عملت هذا الكلام، وإن شاء الله دولتنا المحترمة هتعمله”.

واصل مخاطبا المشاهدين : “بننبه الناس طالب بحقك أمام المأذون، أي عروسين دلوقتي في كتب الكتاب بيصروا على أن هما يكتبوا في الشروط اللي تركتها وزارة العدل اتفق الطرفان على ألا يقع الطلاق مشافهة، مفيش حد يقدر يعترض ولا دي مخالفة للشريعة”.

أردف:” لو المأذون قالك ده أمر مخالف لله ورسوله، بلغ التفتيش القضائي في وزارة العدل عشان يقتصوا من المأذون ويأخذوا حقك منهك، مضيفا: “آخر واحد لسه كاتبله الإعلامي الكبير خالد عليش هو ومراته، وكاتبين في القسيمة واتفق الطرفان على ألا يقع الطلاق مشافهة، لأنه راجل محترم هو وزوجته”.