شاشة

هنا الزاهد باكية: “طلعت زكريا وحشني”

قالت الفنانة هنا الزاهد، إنها تفتقد الفنان الراحل طلعت زكريا، مردفة: “أنا مفتقداه هو أبويا اللي مربيني أنا وإخواتي”.

أشارت “الزاهد” خلال حلولها ضيفة على برنامج “أسرار النجوم“، مساء الخميس، المذاع عبر “نجوم إف إم” مع إنجي علي، أنه قام بتربيتها منذ كانت في الصف السادس الابتدائي: “هو إنسان بمعنى الكلمة، يعني إيه راجل يربي 3 بنات من زوجته ومعاه ولاده هو كمان، وكان بجد أب”.

نرشح لك: خناقة وقطع شيكو فستان زوجته.. مواقف من حفل زفاف كريم فهمي

تابعت: “كنت دايمًا أروح له وأنا وأختي وعينا عليه وهو موجود، ولما مات حزنت عليه زي أولاده بالظبط لأنه أبونا كمان، وكنت بتكلم معاه في حاجات حتى ما بقولهاش لماما وكان صاحبي جدًا، وكنت بستشيره في شغلي”.

 

أضافت: “وفي أيام المرض بتاعته كان كل ما يقولوا مفيش أمل، وكان بيرجع تاني، وكان تعبان آخر 9 سنين لكن ما كانش بيبين تعبه لحد.. كان إنسان جميل جدا وبحبه قوي”.

بكت هنا الزاهد خلال حديثها عن طلعت زكريا، معبرة عن اشتياقها له قائلة: “وحشني قوي”، مشيرة إلى أنهم انتقلوا من المنزل الخاص بطلعت زكريا عقب وفاته وعاشوا في نفس الكومبوند في منزل بجواره.

أحمد السقا: فيلم “إشاعة حب” بينسيني الدنيا

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock