سلوى عثمان: معنديش ولاد علشان ابقى حماة
ياسمين شهاب
قالت الفنانة سلوى عثمان، إن الكثير من متابعي حكاية “بدون ضمان” هاجموا شخصيتها في المسلسل كحماة بسبب تدخلها في شئون ابنها وزوجته.
أضافت “عثمان” اليوم الاثنين، خلال مداخلة هاتفية ببرنامج “حضرة المواطن” المذاع على فضائية “الحدث اليوم”، أن شخصية الأم مظلومة في المسلسل لأنها تتصرف بشكل طبيعي لأنه منزل ابنها، موضحة: “ناس اتضايقت قوي مني علشان دخلت البيت من غير ما تعرف الزوجة، بس هي كانت بتتصرف بشكل طبيعي إن ده بيت ابنها، هو طبعا لازم الزوجة يبقى ليها خصوصيتها ده مفيش شك يعني، بس هي مكنش نيتها حاجة وحشة وبرضو لازم الأم تاخد بالها من حاجات زي كده”.
نرشح لك: مواعيد عرض حكاية “بدون ضمان” من مسلسل “إلا أنا”
تابعت أن شخصية الزوجة في المسلسل تريد، أن تعيش في مملكة على الرغم أن الحماة وابنتها يعيشون في شقة منفصلة عنهم تمامًا، مردفة: “كمان حلقتين الناس هتعرف أن الحماة دي مظلومة ومكنش قصدها حاجة”.
أردفت أن والد زوجها يملك عمارة ويسكن فيها أولاده، معلقة: “بس أنا مش قاعده في بيت العيلة، هو أحيانا الحاجات بتبقى مش حلوة يعني بيبقى فيه مثلا يعني أنت أولادك آه صحيح بتبني لهم شقق بس داخل عليهم ناس غرب، يعني مثلا الابن داخل عليه زوجة غريبة، البنت داخل عليها زوج غريب”.
استكملت: “أنا معنديش ولاد علشان ابقى حماة، هو أنا بس عملت حماة في المسلسل، والناس زعلانين علشان خاطر هنادي قوي، والناس اللي زعلانة من أول حلقتين هيشوفوا بعد كده إن الحماة دي مش وحشة للدرجة دي وإن اللي عملته مش المقصود بيه إنها تضايق مرات ابنها، يعني هي حست إن ده بيت ابنها وبيت العيلة”.