شاشة

محمد أبو داوود: فؤاد المهندس قالي سيبك من الإخراج وركز في التمثيل

نورهان عبد الرحمن

كشف الفنان محمد أبو داوود، عن بداياته في الإخراج ثم اهتمامه بالتمثيل، وقال إنه في عام 1999 طلبه الفنان عادل إمام المشاركة في مسرحية “بودي جارد” بعد وفاة الفنان مصطفى متولي.

تابع “أبو داوود” بحلقة الاثنين من برنامج “بنت البلد” المذاع على شاشة “صدى البلد” وتقدمه مع الفنانة نشوى مصطفى: “انشتغلت في مسرحية (بودي جارد) 10 سنين متصلين، مأخرجتش على مدار الـ 10 سنين دول غير مسرحيتين، وكنت أنتهز فرصة إن الدراما متوقفة فأروح لشغفي تاني”.

نرشح لك: محمد هنيدي: بعمل شخصية مطرب شعبي في مسرحية جديدة

 

استكمل: “ثلاثة في تاريخي كانوا يدفعوني للتمثيل وأنا مخرج، ومؤمنين بيا أوي أولهم الراحل العظيم الفنان فؤاد المهندس مؤمن بيا من وأنا مساعد مخرج اشتغلت وياه، أنا أستحي إني أقول الكلام اللي قاله عني أستاذ فؤاد ليا”.

أردف: “ربنا شاهد عليا والأستاذ في دار الحق ونحن في دار الباطل، إن الأستاذ خدني بعربيته البيت، العربية السودا من مسرح الزمالك لحد آخر الهرم، الكلام ده كان 1985، وقعد يقولي يا محمد وأنا وقتها كنت اشتغلت مساعد مخرج وطلعت أنقذت موقف في المسرحية مكان ممثل، حصل موقف بيني وبينه هو قالي هضحكك وأنا طالع أنقذ موقف”.

ذكر: “وبعدين خدني معاه في (عمو فؤاد) وعملنا فيلم مع بعض (أيوب) قالي الكلام ده كدة بالظبط، (يا محمد سيبك من الإخراج ركز على التمثيل، بص أنت ممثل عندك حضور جامد وظلك خفيف)، وقالي جملة استحي أقولها (إنت زيي، الفرق اللي بينك وبيني إن إنت شكلك أحلى شوية إنت ممكن تعمل الجان)”.

وبالحديث عن ندمه على مجهوده بالمسرح، قال: “طبعاً ده جزء عندي، بس في نفس الوقت المسرح برضو متعة، والإخراج أنا الحمد لله أخرجت 20 مسرحية مقدرش أقولك بندم على واحدة منهم لكن واحدة بس اللي أنا مكنتش مقتنع بيها إني أعملها لكن المنتج كان صديقي واتحايل عليا كتير وفيها نجوم زي سعيد صالح، علاء ولي الدين، محمد هنيدي، سحر رامي وعائشة الكيلاني، إنما المسرح بحبه لكن كمان بموت في التمثيل”.

الجدير بالذكر أن الفنان محمد أبو داوود شارك في 170 عمل درامي كان آخرهم “المداح” ﺇﺧﺮاﺝ: أحمد سمير فرج وهشام فتحي، ﺗﺄﻟﻴﻒ: أمين جمال وشريف يسري، شاركه فنانين آخرين حمادة هلال، أحمد بدير، نسرين طافش، حنان سليمان، خالد سرحان، محمد عز.

محمد جمعة يكشف حصريا لإعلام دوت كوم عن مشروع فني جديد يعيد فيه تقديم شخصية عم ضياء

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock