تامر أمين يحذر من تراكم الأقساط

حذر الإعلامي تامر أمين، الجمهور من خطورة تراكم أقساط السلع والمنتجات التي يشترونها.

قال “أمين” خلال حلقة مساء الثلاثاء من برنامج “آخر النهار” الذي يقدمه عبر شاشة “النهار”، إن تراكم الأقساط هو أمر شائع في كل الطبقات الاجتماعية، موضحا أن كل شخص مهما بلغ مستواه يفضلع الشراء والدفع بنظام التقسيط، معلقًا: “أتحدى إن يكون فيه بني آدم ذكر بالغ رشيد ومش عليه قسط أي كان مستواه الاجتماعي ودخله وثروته هتلاقي دايما شاري حاجة وعليه أقساط”.

نرشح لك: بعد شكوى بيراميدز ضده.. تامر أمين: لم أهاجم رمضان صبحي

وخلال حديثه وصف التقسيط بأنه فكرة شيطانية، معلقا: “كان زمان وقت أبويا الله يرحمه يقول لي مقولة أنا كنت ماشي بيها من كام سنة فاتت وكنت برنس في نفسي
(اللي معهوش مالزموش) لحد ما واحد ابن حلال قال ما تيجوا نعمل التقسيط المريح”.

في نفس السياق، أضاف: “اللي قسط خد منك تمن السلعة 3 مرات، محذرا الجمهور من تراكم الأقساط حيث قال: “عايز أحذركم من مغناطيش وشبح التقسيط اللي ممكن يخلص علينا كل واحد فينا دلوقت غرقان لشوشته في الديون بتاعة القسط”.

فيما وجه رسالة لربات البيوت طالبهم فيها بعدم دفع أزواجهم للتقسيط، حيث قال: “يا ستات البيوت رفقا بالأزواج لأن انا عارف إن الطلبات بتبقى كتير.. الاقساط عمالة تزيد لدرجة إن الراجل مننا بقى يقبض المرتب أول الشهر قبل ما يروح البيت يشوف جدول الأقساط والباقي يا ريت يقضي البيت”.

فيما اختتم حديثه قائلا: “أخوكوا بيحذركوا احنا الدوامة سرقانا انا لسه من يومين كنت هنجرف، انا عليا تقساط ، انا لما أبويا توفى بدأت أنسى نصايحة ومع زن المدام بقيت أدبس في حاجات، بس رسالة إلهية فوقتني امبارح وقولت زي ما فوقت أفوق رجالة وستات كتير”.