"فتاة الفستان" بجامعة طنطا تروي واقعة تعرضها للتنمر من مراقبات بالامتحان

فتاة الفستان

كشفت حبيبة طارق، الطالبة بالفرقة الثانية بكلية آداب جامعة طنطا، تفاصيل تعرضها للتنمر والسخرية أثناء حضورها الامتحان؛ من قبل مراقبتين، بسبب ارتدائها فستانًا قصيرًا.

قالت “طارق” خلال مداخلة هاتفية مع برنامج “الحكاية” الذي يقدمه الإعلامي عمرو أديب ويعرض على شاشة MBC مصر، إنها ذهبت إلى الامتحان مرتدية فستان “تلت كم ويصل إلى تحت الركبة”، وأثناء خروجها بعد انتهاء الامتحان، ذهبت لاستلام بطاقتها، فقال لها المراقب: “أنتي مسلمة ولا مسيحية”.

نرشح لك: دنيا ماهر عن تنمر مراقبات بـ “طالبة الفستان” بجامعة طنطا: جوز حرابيق

تابعت: “أنا استغربت جدا، وقولت له أنا مسلمة، واخدت بطاقتي وطلعت، لقيت مراقبتين مكنوش مراقبين عليا في لجنتي، كانوا في لجنة تانية، واحدة منتقبة وواحدة لابسة خمار، لقيت واحدة بتشد زميلتها وبتقولها تعالي شوفي لابسة ايه، لقيتها بتقولي بصوت عالي (هو أنتي نسيتي تلبسي بنطلونك ولا إيه؟) قولتلها بنطلون ايه اللي البسه على الفستان”.

استكملت: “زميلتها التانية كانت بتقولي هو أنتي مسلمة أصلا ولا مسيحية، التانية ردت عليها قالتلها لا دي مسلمة وأنا شوفت البطاقة بتاعتها كانت محجبة وقلعت الحجاب، وقالت لي أنتي قررتي تقلعي الحجاب وتبقي مش محترمة وقليلة الأدب؟”.

أردفت: “أنا مش عارفة أنا اتهاجمت ليه؟ الفستان بتاعي تلت كم وتحت الركبة، أنا قولتلها احترام إيه اللي هنربطه بحجاب دي حاجة بيني وبين ديني، بعدين واحدة منهم سألتني أنتي منين؟ قولتلها أنا من اسكندرية، راحت قالتلي (هما الاسكندرانية كده، ما أنا قولت برضو الاسكندرانية بيلبسوا كده)، يعني أنا ليه أعصابي تتوتر واتكسف الكسفة دي، والناس كلها اتفرجت عليا، وبقيت عايزة امشي بسرعة من الكلية”.

استطردت: “لبسى مكنش مُلفت في اليوم دا فستاني واسع وطويل مش حاطة ميك أب كامل أنا كنت أقل من العادي ومكنش أول مرة أروح بالفستان ده”، مؤكدة أن ما حدث معها تنمر وسبب لها أذى أمام زملائها والموجودين في الكلية.

يذكر أن الدكتور وليد العشري، المتحدث الرسمي باسم جامعة طنطا، قال إنه لا توجد أي شكوى رسمية وجهت إلى إدارة الكلية من قبل الطالبة في هذا الشأن.

وأكد أن الجامعة ستفتح تحقيقًا على الفور في الواقعة بصرف النظر عن وجود شكوى رسمية من عدمه، وسيتم الإعلان عن نتائجها للجميع.