دنيا شمعة

طالب الإعلامي محمود سعد، بوضع قوانين لحماية حقوق المرأة في حالة تركها من قبل الزوج أو خيانته لها، بدلا من قائمة المنقولات.

قال “سعد” خلال حلقة اليوم السبت من برنامجه “باب الخلق” عبر شاشة “النهار”: “فيه ناس تقول لو مكتبناش القايمة الست بتتبهدل، لأ الست بيتمسح بيها البلاط هي وعيالها، لو الزوج عاوز يمشي ولا شاف واحدة تانية”.

نرشح لك: لميس الحديدي عن الثانوية: ياريت نفكر في المضمون وليس الامتحانات فقط

أضاف: “لازم نحط قوانين تحمي المرأة لأن ده مينفعش، مش نشوف دخله قد إيه ونديها الربع مثلا، لازم نحسبها كويس لأنه ممكن يكون مدرس بس بيدي دروس خصوصية فلما يدولها الربع تبقى هي والعيال في الآخر يطلعوا بـ500 جنيه بس، القوانين دي لازم تتغير وفيه دول قبلنا سبقتنا وعملتها”.

علق على الجدل المثار مؤخرا على مواقع التواصل الاجتماعي بسبب تنازل أحد الآباء عن كتابة قائمة منقولات أثناء زواج ابنته، قائلا: “لازم التغيير في المجتمع يبقى مناسب للعصر، فأنا بحيي هذا الرجل لأنه رمى حجر في البحيرة الراكضة وده دور السادة أعضاء مجلس الشعب، أرجوكم لازم نشوف حل لأن مينفعش الراجل يمشي كده ويسيب الست، شوفولنا حل”.

أردف: “القايمة مهمة على فكرة لأن بييجي الراجل بعد كده عاوز يتجوز واحدة تانية وياخد العفش وترجع الست البيت متلاقيش حاجة، لكن الراجل تنازل عنها ده في رأيي تصرف راقي، بس لو البنت دي جوزها طلع من الحالات اللي مش كويسة هتتبهدل”.

شاهد.. ميريام فارس غدارة يا دنيا