نهى عابدين عن أصعب مشاهدها في "نمرة اتنين": استمر 12 دقيقة

دنيا شمعة

قالت الفنانة نهى عابدين، إنها سعيدة بدورها وتجربتها في الحلقة الأولى من مسلسل “نمرة إتنين”.

تابعت “عابدين” خلال لقائها مع “et بالعربي“: “حالة الملل الزوجي اللي بتظهرها الحكاية دي منتشرة جدًا في العالم العربي والعالم كله.. وحتة الطرف التالت دي عجبتني جدًا في الحكاية”.

نرشح لك: بعد إعلان إصابتها بكورونا.. بسمة: دي غلطتي واتعلمت


أضافت: “أصعب مشهد في المسلسل هو مشهد الخناقة إللي استمر ١٢ دقيقة وصورناه في يومين.. كان فيه تدفق مشاعر مش طبيعي، اعترافات وخناق ونرفزة وبيواجهوا بعض بشكوكهم.. كان صعب جدًا فعلًا”.

أردفت: “الحكاية فعلًا بتبين اد إيه الراجل بيمل بسرعة عن الست.. والست بتقدر الالتزام جدًا، ده اللي بيخلي الراجل مش قادر يلتزم ويواصل”.

يذكر أن حلقة “الناحية التانية” من مسلسل “نمرة إتنين”، تدور أحداثها حول الخيانة الزوجية وعدم التفاهم بين الزوجين، وهي من بطولة عمرو يوسف وصبا مبارك ونهى عابدين، وسيناريو وحوار سماء عبد الخالق، وإخراج طارق العريان.