علا غانم: اللي نزلوا في يناير "شحاتين وبلطجية"
أعربت الممثلة علا غانم عن سعادتها برحيل نظام الإخوان المسلمين من الحكم في مصر مُضيفة “أنا في منتهى السعادة في نظام عبد الفتاح السيسي وكل يوم بحبه أكتر، واحنا النهاردة في حتة أحلى بكتير”
كما أعربت عن كرهها لثورة 25 يناير وذلك خلال حوارها أمس السبت مع الإعلامي طوني خليفة في برنامجه “بدون مكياج” الذي يُعرض على قناة القاهرة والناس قائلة “أنا مش مع الثورة أبداً، أنا بكرهها لأنها أيام وسنين سودة، واللي عملوا 25 يناير مش مصريين، لأن البداية كانت حاجة واللي حصل بعد كام ساعة حاجة تانية”
وعندما وجه طوني خليفة لها سؤالاً “والملايين اللي نزلت؟”، ردت عليه قائلة “ملايين مين؟ الملايين دول اللي هما شحاتين مصر اللي كانوا مأجورين!، وبلطجية مصر كلها اللي كانت مأجورة، الشعب المصري هو اللي نزل 30 يونيو”
وتابعت “الأستاذة تيسير فهمي اللي خرجت في 25 يناير عشان تمشي مبارك، دي كل البيزنس اتعمل في نظام مبارك، وكل اللي نزل التحرير كان خايف يرجع عشان الإخوان كانوا بيهددوهم”