140 مسئول مش مسئول !
غضب بين رواد “تويتر” من مؤيديي قانون الحد الأقصي للأجور ، بعد انتشار خبر عن إستقالة 140 من مسئولى البنك المركزى المصرى والبنك الأهلي وبنك مصر والقاهرة إعتراضا منهم على تطبيق الحد الأقصى للأجور وهو 42 ألف جنيه ، و قد جاء هذا القرار مستفزآ للبعض بسبب “الوطنية” الزائفة التي طالما تحدث عنها المسئولين ، تعرض إعلام.أورج بعض من التعليقات :-
صعب جداً نتعاطف مع 140 مسئول فى بنوك مصرية استقالوا لإعتراضهم على تخفيض مرتباتهم ل 42 ألف جنيه "فقط" فى وقت يحلم فيه الشباب بعُشر هذا المرتب
— هبة صالح (@HebaSaaleh) December 4, 2014
حتى الآن استقال 140 مسئول من بنوك المصري المركزي والأهلي رفضاللحد الأقصى للأجور وهو 42 ألف جنية. متقولش إيه هندي لمصر قولي هناخد إيه من مصر
— محمد فاضل .. المحامي (@Mohamed___fadel) December 4, 2014
إستقالة 140 مسئول فى بنوك المركزى والاهلى ومصر والقاهرة معترضين على الحد الاقصى مش عاجبهم 42الف امال كانوا بيقبضوا كام ؟؟!!
— روقا (@rouka_am) December 4, 2014
حتى الآن..140 استقاله فى البنك المركزى مش عاجبهم 42 الف جنيه طبيعى يستقيلوا أمنوا مستقبل احفاد احفادهم هيشتغلول ليه تانى
— ش خ ب ط ة ق ل م (@saiedsalama166) December 4, 2014
استقالة بعض مسؤلى البنوك لرفضهم الحد الاقصى للاجور بيفكرنى بابتزاز مرشدى قناة السويس الاجانب لمصر لما عبدالناصر امم القناة.
— Taher Mostafa (@TaherMostafaa) December 4, 2014
استقالة 140 مسؤولا ببنوك المركزي والأهلي ومصر والقاهرة علشان مش عاجبهم ال 42 الف جنية الحد الاقصى دى قمة الوطنية على فكرة
— على جنب يا اسطى (@abo_nora_) December 4, 2014
استقالات بالجملة في البنوك وصلت ل 140 نتيحة تطبيق الحد الاقصى للاجور آه يا ولاد ستين تيت
— Abu Omar (@bassemtaha) December 4, 2014
لكل مسؤل ف بنك استقال اليوم عشان رافض الحد الاقصى :فى جنود بتموت يوميا عشان تحميك انت واهلك ومش بياخدو جنيه,لو مش مقدر دا يبقى غور ف داهية
— Taher Mostafa (@TaherMostafaa) December 4, 2014
كل الناس الي استقالت اعتراضا على الحد الاقصى للاجور لازم تتمنع من السفر خليهم يقعدوا على القهاوي مش لاقيين السيجاره علشان يحسوا بالناس
— ولدنا احرارا (@hana_malk51) December 4, 2014