كلمات أغنية "نسينا" لــ كايروكي
أماني ربيعي
طرحت فرقة كايروكي ألبومها الغنائي الجديد "سوبر نوفا"، ليضم الألبوم أغاني متنوعة، وذلك وسط تفاعل جماهيري كبير ومشاركة متميزة لنخبة من صناع الموسيقى.تأتي أغنية "نسينا" حاملةً طابعاً نوستالجيا مؤثراً يعيد للأذهان ذكريات الماضي والقصص القديمة، من كلمات أمير عيد، إنتاج موسيقي وميكساچ: شريف مصطفي.
نرشح لك: كلمات أغنية "تاتا تاتا" لــ كايروكي
وتأتي كلمات أغنية "نسينا" كالآتي:
فاكره زمان فاكره المكان
الليل يطول نقول كمان
فاكره الشوارع القديمة
اسامينا كانت عالحيطان
قلب سهم تلات اسامي
لسه بسمع نفس الاغاني
يمكن عشان بتفكرني بينا
او عشان بترجعني تاني
ونسينا ولا اتنسينا
ولا بقينا نشبه سنين
سنين قسيت علينا
ونسينا ولا اتنسينا
بسيب مكان بروح مكان
بعدي لكن مش بفوت
بقيت اقول كتير زمان
جروح تروح تسيب ندوب
بقيت اخاف من كل جي
انا حي بس مش بعيش
كلام كتير ميشبهنيش
وقلبي فيه مليون علامة
دة احنا كنا ياما ياما
شوف بقينا فين
ونسينا ولا اتنسينا
ولا بقينا نشبه سنين
سنين قسيت علينا
ونسينا ولا اتنسينا
فاكره زمان فاكره المكان
الليل يطول نقول كمان
فاكره الشوارع القديمة
اسامينا كانت عالحيطان