شاهد.. كليب "دقة ناقصة" لـ أبو ودينا الشربيني
وجه المطرب أبو، والفنانة دينا الشربيني، رسالة شكر لكل من تبرعوا لمستشفى "مجدي يعقوب للقلب"، تلبية للنداء الذي أطلقاه من خلال أغنية "دقة ناقصة".
قال "أبو" خلال الفيديو الذي طرحه عبر حسابه الرسمي على موقع "إنستجرام": "أنا بجد مش مستغرب من حجم التبرعات اللي وصلنا ده.. احنا كده يا مصريين لما بنحط قلبنا في حاجة، قلبنا بيبقى واحد".
نرشح لك: بمشاركة قصي خولي.. كلمات أغنية "وجه القمر" لـ سارية السواس
فيما قالت دينا الشربيني خلال نفس الفيديو": "زي ما فاجئتنونا هنفاجئكم.. ادخلوا على يوتيوب أو أنغامي واكتبوا (دقة ناقصة)، وهتشوفوا المفاجئة، وعايزين نفكركوا إن الرحلة لسة مخلصتش والتبرعات لسه شغالة، يعني نقدر نرجع دقات أكتر لقلوب أكتر".
وجاءت هذه الرسالة، تزامنا مع طرح الأغنية عبر القناة الرسمية لأبو على موقع "يوتيوب"، بطريقة الفيديو كليب.
أغنية "دقة ناقصة"، هي ديو غنائي جمع أبو ودينا الشربيني، وهي من كلمات حميد فاروق، وألحان شريف مجدي وحميد فاروق وطارق نجيب، وتوزيع شريف مجدي، ميكس فيصل فؤاد، ومن إخراج حسين شعبان، ومدير تصوير حمزون، وستايلست بثينة كحال.
وجاءت كلمات الأغنية كالتالي:
دي حكاية حصلتلي من ييجي سبع ايام
تفاصيلها تثبتلي ازمتي قلبي انا شقيان
حبيتها وليه نسيتني لو كنا في حالنا ياقلبى
كان جرى إيه
كانوا ياعيني هيمشوا
هيقولوا اللي محبش اهو
ولا اللى مدابش أهو
اسكت الله يخليك فرجت الناس عليك
أهي نقصت دقة يا قلبي وهنروح ونجيبها منين
دورنا وروحنا وشوفنا وسألنا قلوب ناس تانيين
ردوا وقالوا مش عارفين أمرك لله مسكين
دي الغنوة متتغناش يا حبيبي من غير دقات
قلبي يفوت لك دقة ما تفوت وكفاية مشقة
إحساس على طول بالخنقة لما انت متبقاش موجود
اول مرة أفوت واهي دقة قلبي وخطفتها
عندي وفقلبي داريتها والناس فاكراني محسود
كانوا ياعيني هيمشوا
هيقولوا اللي محبش اهو
ولا اللى مدابش أهو
اسكت الله يخليك فرجت الناس عليك
أهي نقصت دقة يا قلبي وهنروح ونجيبها منين
دورنا وروحنا وشوفنا وسألنا قلوب ناس تانيين
ردوا المرة دي عارفين الحب بييجي منين
دي الغنوة متتغناش يا حبيبي
دي الغنوة متتغناش يا حبيبي
دي الغنوة متتغناش يا حبيبي من غير دقات
يشار إلى أن أبو ودينا الشربيني، كانا قد طرحا أغنية "دقة ناقصة" في وقت سابق بدون صوت دقات الطبل، وذلك في إطار حملة التبرعات التي شاركا فيها، وكان الهدف من ذلك هو أن تعود الدقات للأغنية مع تدفق تبرعات الجمهور، وهو ما نجحا فيه بالفعل، إذ أن الأغنية أصبحت متاحة للجمهور بالموسيقى الكاملة الخاصة بها.