هشام ماجد: حصلي تروما بعد وفاة والدي

علق الفنان هشام ماجد، على عدم ظهوره في البرامج قائلًا: "مبطلعش في برامج من نوعية الاستجواب، لكن جيت البرنامج ده لأنه لطيف ومفيش حاجة فجة زيادة عن اللزوم، وانا قاصد الاختفاء لأني مش محتاج حد يعرف عن حياتي الشخصية حاجة، لأني ببيع للجمهور فن، لكن ملوش دعوة بعيلتي، ودي حاجات شخصية متتفتحش غير لناس قريبة، ومن حق النجم يعمل كده، وفي نجوم بتحب تعرض حياتها عادي".

وقال" ماجد" خلال استضافته ببرنامج "أسرار" مع الإعلامية أميرة بدر المذاع على قناة النهار: "وانا خريج كلية هندسة، واسرتي متوسطة مستورة، ووالدي كان دكتور وتوفي وأنا 13 سنة ووالدتي مدرسة، واخواتي شيرين اكبر مني بسنة ومحمود أصغر مني بـ 8 سنين، وبعد وفاة والدي ابتدت الدنيا تقل شوية، لكن والدتي عمرها ما حسستنا اننا ناقصنا حاجة، وفاة والدي أثرت في حياتي لانه كان قريب مني وانا كنت في سن صغير، وده حصلنا كلنا، من الناحية المادية والنفسية برضو".

نرشح لك: استولى على الشقة.. كواليس ظهور أحمد محارب في مسلسل "أشغال شقة"

وأضاف هشام ماجد قائلًا: "مش هعيط بعد شوية على فكرة، واللي يعرف والدي كان يقولي انه زملكاوي ووسيم وأخف دم في العالم، وكان بياخدني معاه ماتشات كورة وحببني في الزمالك، كان تعبان فترة طويلة وفي يوم بلغونا انه توفى، وحصلي تروما لأن الموضوع حصل فجأة، ودي نقطة تحول في حياتي لان شكل حياتنا اتغير، ووالدتي بقى عليها حمل كبير".

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.