شاهد.. أغنية "قلبي يا محتاس" لـ نانسي عجرم
طرحت الفنانة نانسي عجرم أغنية جديدة تحمل اسم "قلبي يا محتاس"، عبر قناتها الرسمية على موقع الفيديوهات "يوتيوب"، وهي الأغنية الدعائية لفيلم "مقسوم" بطولة ليلى علوي وشيرين رضا وسماء إبراهيم، الذي يعرض حاليا بدور العرض السينمائية.
أغنية "قلبي يا محتاس" من كلمات منه عدلي القيعي، ألحان إيهاب عبد الواحد، توزيع أحمد طارق يحيى.
نرشح لك: رمضان 2024.. بدء تحضيرات مسلسل "عتبات البهجة" لـ يحيى الفخراني
وجاءت كلمات أغنية "قلبي يا محتاس" كالآتي:
قلبي يا محتاس
طمني على الإحساس
لسه بنفس الإخلاص
بتحب وتعشق وتدوب
دي الدنيا يومين
يوم غلب ودمعة عين
يوم فوق السماء طايرين
بتحدف ورد وطوب
وأنا هعمل إيه ما أنا يعني
لازم لازم أعيش
وهسيب القلب براحته يدق ومايخبيش
تيجي مرة كده.. تيجي مرة كده
يمكن تظبط مني في مرة ومتجليش
الحب جميل
وإحنا بتوع التفاصيل
طبطبة أو حضن طويل
يستاهلوا مننا مجهود
وأنا عمري ما أمل
ولا أسيب اللهفة تقل
تتعقد مني أحل
وأعدي بلاد وحدود
وأنا هعمل إيه ما أنا يعني
لازم لازم أعيش
وهسيب القلب براحته يدق ومايخبيش
تيجي مرة كده.. تيجي مرة كده
يمكن تظبط مني في مرة ومتجليش
فيلم "مقسوم" بطولة ليلى علوي، شيرين رضا، سماء إبراهيم، سارة عبد الرحمن وعمرو وهبة، ومن تأليف هيثم دبور وإخراج كوثر يونس، ومن إنتاج أحمد يوسف وهيثم دبور وكريم الشناوي.
يضم الفيلم عددا من الأغنيات.. الأولى تحت اسم "مقسوم" كلمات تامر مهدي وألحان إيهاب عبد الواحد وتوزيع coolpix boy والثانية "قلبي يا محتاس" لـ نانسي عجرم، من كلمات منة القيعي وألحان إيهاب عبد الواحد وتوزيع أحمد طارق يحيى وإسماعيل نصرت.