شاهد.. تامر حسني يستعين بوصفة لدكتور بيرج لعلاج الاكتئاب

شارك الفنان تامر حسني، الجمهور بمقطع فيديو كشف من خلاله عن طريقة لعلاج الاكتئاب.

نشر "حسني" الفيديو عبر حسابه على موقع "إكس" وهو عبارة عن وصفة طبية لدكتور بيرج، الذي اعتاد أن ينشر مقاطع من نفس النوع عبر يوتيوب.

وعلق "حسني" كاتبا: "‏صباح الخير معلش هو موضوع برة الأحداث اللي بنعيشها شوية بس مرتبط ارتباط نفسي.. الفترة دي زادت الشكوى عند ناس كتير بسبب الاكتئاب والحزن من الأحداث الحالية أو غيرها".

تابع: "الحقيقة إني واحد منهم الاكتئاب ده ممكن يبقى سبب في حاجو اسمها (طنين الأذن) وممكن تيجي برضو من حاجات تانية والتعب ده هو إن الشخص فجأه يسمع صفارة أو ما يشبه في أذنه طول الوقت ومش بتروح أبداً وملهاش علاج وناس بقالها سنين كتير بتعاني منه وعايشين بيها.

أضاف: "الحقيقة الڤيديو ده ممكن يبقى سبب في علاج ناس كتير إن شاء الله.. أرجوكم أرجوكم ابعتوه لكل الناس عشان ممكن حد من حبايبكم يكون عنده وانت متعرفش، ده غير طبعاً أهالينا في غزة الله يكون في عونهم من كده وأكتر".

في نفس السياق، قال: "هي طريقة علاجية سهلة هتتعمل زي ما في الڤيديو، ممكن تخفوا من أول مرة وممكن تكرروا الطريقة دي ٨ مرات لو بتتحسن كرره كل يوم لحد ما تخف تماماً، ولو جسمك مستجابش للطريقة دي خد الحل التاني أدوية ڤيتامين zinc و milga ومع الوقت هيتحسن إن شاء الله".

اختتم: "اللي خلاني أكتب عنه إن بعض الدكاتره بيصنفوه إنه مالوش علاج وعلى المريض إنه يتعايش معاه طول عمره والطريقة دي بالفعل جابت نتيجة عظيمة الحمد لله.. يبقى حرام عليا لو منشرتوش.. طبعاً كل واحد يرجع لدكتوره لو حابب وربنا يشفي الجميع، ويحفظ غزه وأهل غزة وبرضو هفضل أدعي وأقول معجزه من عندك يارب".