أحمد فهمي: هركز الفترة الجاية على السينما

تحدث الفنان أحمد فهمي، عن فيلمه "مستر إكس" الذي يعرض في السينمات حاليا، مشيرا إلى أنه سعيد لأنه يشارك في موسم به العديد من الأفلام الضخمة الأخرى مع نجوم كبار ليسوا من جيله.

قال "فهمي" خلال لقائه مع "فوشيا": "لما تيجي تنزل تنافس هتنافس شيكو وهشام ومكي ورمضان وأكرم، دول جيلك، فلما تنزل مع كريم وأمير وتامر، ده جيل كان بادئ قبلك ومحققين نجاح كبير".

أشار إلى أنه كان يشعر بالفخر لأنه يتنافس مع الفنان كريم عبد العزيز، مؤكدا على أن فيلمه نجح بشكل أكبر في دول الخليج لأن هناك من ينافسه من داخل مصر.

أردف: "السوق في الخليج أوسع وأكبر وإن أنت تكون الأول وأنت أخدت شاشات متساوية، فيه ناس مش عايزة أحمد فهمي يكون في حتة معينة ومش تامر حسني ولا كريم ولا أمير لا هو شخص له علاقة بشغلانة تانية، أنا مش هركز كل شخص قال إيه".

أكد على أنه سيركز الفترة المقبلة في السينما بعيدا عن الدراما، مردفا: "الفترة الجاية بعد أرقام مستر إكس في الخليج أنا هركز في السينما عشان الناس اللي احترمتني وقدرتني، وأنا مش حابب أكون موجود بحاجة 30 حلقة لأنها بتاخد وقت وبتعطلك عن الأفلام والأفلام هي اللي بتعيش أكتر".

أكمل: "العلاقة اللي بيني وبين هنا أقوى بكتير من إني أتاجر بيها، أو أرد على أي شائعات، أنا عمري ما اتدخلت في شغل هنا هي إنسانة مستقلة ".

جدير بالذكر أن الفنان أحمد فهمي شارك مؤخرا في مسلسل "سفاح الجيزة" مع باسم سمرة، ركين سعد، ميمي جمال، حنان يوسف، صلاح عبدالله، تأليف محمد صلاح العزب، ورشة كتابة إنجي أبوالسعود وعماد مطر، وإخراج هادي الباجوري.

والمسلسل يدور في إطار بوليسي تشويقي وبعض أجزاء العمل مقتبسة عن أحداث حقيقية.