تعليق جابر القرموطي على رسوب أكثر من 70٪ من طلاب طب قنا
علق الإعلامي جابر القرموطي على رسوب أكثر من 70٪ من طلاب كلية الطب بجامعة قنا، موضحا أن هذا بسبب ظاهرة الغش في امتحانات الثانوية العامة.
قال “القرموطي” خلال برنامج “مانشيت” المذاع عبر شاشة CBC: “الغش في امتحانات الثانوية العامة بيوصل طالب لكلية لا يستحقها، حضرتك بتعلم ابنك طرق الغش قبل ما يطلع من البيت، بيروح يغش ويجيب مجموع كبير في الثانوية وهو لا يستحقه”.
نرشح لك: موقف جابر القرموطي من كتابة إرثه باسم ابنتيه
تابع: “اللي حصل نتيجة هذا الغش إن بنتك أو ابنك بيتحط في مكان مش مكانه، بيتخرج طبيب أو مهندس أو مدرس غير كفء.. فيه مانع إنك تقعد مع ابنك وهو في تانية إعدادي وتلاحظ هو كان عايز إيه؟ بيرسم، دماغه رايحة لطب، تكنولوجيا، هندسة، بيحب الكورة أو الفن، ملاحظتش أي تطور في سلوكه؟”.
استكمل: “معقول البيوت بقت لوكاندة؟ يعني أنا أدخل أنام في البيت واتوكل على الله واسيب مراتي وولادي، ومراتي نفس النظام، حضرتك مش قد المسئولية ماتتجوزش ومش قد الخلفة ماتخلفش.. ليه نغصب على ولادنا يدخلوا الأماكن اللي إحنا عايزينها؟ سيبهم يبدعوا ويبتكروا”.
