محمد جمعة: بكيت لما وصلت العريش.. كنت محروم منها

قال الفنان محمد جمعة، إنه بكى عندما وصل إلى سيناء لحضور سباق الهجن بمدينة العريش، لأنه كان يتألم وهو يعلم أن هناك أشخاص طهروا هذه المدينة بدمائهم.

أضاف “جمعة” خلال مداخلة هاتفية مع الإعلامي شريف عامر في برنامج “يحدث في مصر” المذاع عبر شاشة “mbc مصر”: “بكيت أول ما وصلت العريش، لسبب شخصي، أنا أول مرة أروح العريش وكان في حاجة بتؤلمني طول الطريق، إني عارف الطريق اللي إحنا ماشيين عليه في ناس بدمها طهرته من الإرهاب وأهل الشر”.

نرشح لك: سبب اعتذار كمال أبو رية عن تجسيد الشعراوي فنيا

أشار: “بسبب هذا الدم الغالي إحنا كنا ماشيين في أمان، أنا تحركت من الشيخ زايد لحد العريش ومكنش في حراسة أمنية ولا أي حاجة، طبعا كان في تأمين لأن في وزراء وفي فعالية كبيرة ده طبيعي، لكن إحنا مشينا 3 ساعات في طريق أمن بنسبة 100%”.

أردف: “اللي أنا شوفته في العريش من فرحة الناس بوجودنا وأن إحنا موجودين هناك أكتر من فرحة أب بيخرج ابنه من كلية، أو أب بيجوز بنته، وإحنا كنا فرحانين على فرحهم، أنا شوفت مكان جنة الله في الأرض، تخيل أن أنا كمواطن مصري كنت محروم من المكان ده”.