مسنة لـ أحمد رأفت: اتعرضت للظلم وجالي الضغط والسكر

مسنة لأحمد رأفت
في حلقة جديدة من برنامج “ناسها البسيطة” المذاع عبر شاشة “cbc“، التقى المذيع أحمد رأفت بسيدة مسنة تدعى الحاجة سامية، وتحدثت معه عن سيدة ظلمتها وأصيبت بأمراض بعد تعرضها للظلم.

قالت السيدة إنها أصيبت بمرضي السكر والضغط بعد نصب جارتها عليها في مبلغ مالي، موضحة: “واحدة جارتي كنت داخلة معاها جمعية نصبت عليا وخدت الفلوس ومشيت، وأنا كنت محتاجها أوي، كان عليا الإيجار ومدفعتوش، وأنا مسمحاهم كل اللي ظلموني”.

نرشح لك: “ببكي على حالي”.. قصة مؤثرة عن الأب مع أحمد رأفت

أضافت السيدة باكية: “أنا بتمنى من ربنا يشفي لي جوزي لأنه محجوز في المستشفى، ولما حد بيظلمني بقول يا رب أنت كبير وعليك خلاص الحق خلص لي حقي، ولو ربنا خلصلي منهم مش هفرح مبشمتش في حد والله، بس بكون مبسوطة من جوايا أن ربنا رد لي حقي، بس لا مش عايزة له الأذى”.

وعن تعرضها للظلم من أشخاص قريبة منها قالت: “الغريب مش هيخصني، زي القريب مني، القريب بيصعب عليا عشان بحبه، لكن الغريب مش هيصعب عليا عشان مش هشوفه تاني، القريب غالي عندك ومنك من دمك ولحمك، وبرضو ربنا يسامحه لسه والدتي بتقولي أنتي قلبك أبيض وبتسامحي ومبشيليش من حد”.

أهدها أحمد رأفت فانوس وعندما فتحته وجدت به مبلغ مالي، ففرحت السيدة كثيرا، وقالت إنها ستدفع بهم الإيجار وتأتي بالعلاج لزوجها وطرحة لها.