ضرب حتى البكاء.. تفاصيل اعتداء لوسي على 3 في مسرحية "الحفيد"

كشف الفنان تامر فرج عن تفاصيل الخلافات بين الفنانة لوسي وفريق عمل مسرحية “الحفيد” التي كانت تعرض على المسرح القومي وتم إيقافها.

قال “فرج” خلال مداخلة هاتفية مع برنامج “الحكاية” المذاع على شاشة mbc مصر ويقدمه الإعلامي عمرو أديب، إن لوسي اعتدت على عدد من الفنانين بالضرب ومنهم المخرج.

نرشح لك: فنانة شابة تتهم لوسي بضربها أمام الجمهور

أضاف: “أول واقعة مع الفنان محمد يسري، ده ولد صغير من الشباب بيمثل دور ابني، المفروض أن لوسي تمسكه تضربه كده في المشهد، الولد كان بيطلع من تحت أيديها بطنه متعورة بإصابات، قولنا لها أهدي عليه شوية”.

لوسي

تابع: “الأستاذ يوسف المنصور بطل العرض ومخرج المسرحية ومؤلفها، لما قالها مرة قبل العرض، يا أستاذة حضرتك بتخرجي عن النص وبتقولي كلام مش مظبوط والشخصية مش بالشكل ده، راحت ماسكاه في مشهد من المسرحية المفروض أنها بتضربه بالقلم علشان بيقولها أنتي ست خاينة، ضربته 5 أقلام وقالت له هو ده اللي في النص يا حقير، وهو والفنان عابد عناني تداركوا الموقف، وحولوا الموضوع أنه يبان جزء من المسرحية ودخل بعد كده يوسف يعيط في الكواليس”.

لوسي

أردف: “تالت واقعة الفنانة ندى عفيفي، ده كان بعد أنا ما مشيت، كاتبة على صفحتها أن هي ضربتها علشان دخلت عليها في الكلام وهي نسيت الحوار بتاعها وزي ما بيحصل مع أي حد بنساعده، راحت ماسكاها ضربتها وقالت لها متدخليش على كلامي، البنت دخلت تعيط في الكواليس”، مشيرا إلى أنه هناك شكوى من جميع أفراد فرقة المسرح القومي مقدمة ضد لوسي.

 

لوسي